Swinging London
Swinging London is 'n sambreelterm wat gebruik word om na verskillende aspekte van Londen se kulturele lewe en modewêreld te verwys soos dit gedurende die 1960's ontwikkel en gefloreer het.
Foto: The National Archives UK
Die meeste verskynsels, wat daarmee verbind word, was jeuggedrewe, waarby die klemtoon op alles geval het wat destyds as nuut en modern ervaar is. Ná jare vol ontberings - kos en verbruiksgoedere was in die Verenigde Koninkryk ook ná die einde van die Tweede Wêreldoorlog nog jare lank gerantsoeneer - het die Britse ekonomie in die sestigerjare stewig herstel en ook vir die werkersklas het loonvlakke merkbaar gestyg. Politieke veranderinge en sosiale vooruitgang het aanleiding tot 'n golf van optimisme, maar ook hedonisme gegee.
Die eerste breedvoerige beskrywing van kulturele ontwikkelinge in die Britse hoofstad, wat as "Swinging London" omskryf is, is in die Amerikaanse nuustydskrif Time Magazine se uitgawe van 15 April 1966 gepubliseer.[1]
Verwysings
wysig- ↑ David Gilbert (2006): The Youngest Legend in History: Cultures of Consumption and the Mythologies of Swinging London. In: The London Journal 31(1): bl. 1–14, bl. 3
Eksterne skakels
wysig- www.history.co.uk: Swinging 60s - Capital of Cool
- www.biography.com: Swinging London - Cultural Icons: 1960s
- Victoria & Albert Museum, London: 1960s Fashion & Textiles
- Jerry White, The London School of Economics and Political Science: Social and Cultural Change in 1960s London Geargiveer 21 April 2015 op Wayback Machine
- www.buzzfeed.com: 18 Awesome Photos Of ’60s London Streetstyle