Tacoma, Washington

Tacoma (/təˈkoʊmə/ tə-KOH -mə) is 'n mediumgrootte stedelike hawestad en die setel van Pierce County, in Washington-deelstaat, Verenigde State van Amerika. Die stad is aan Washington se Puget Sound geleë, 51 km suidwes van Seattle (waarvan dit die grootste satellietstad is), 50 km noordoos van die hoofstad, Olympia, en 93 km noordwes van die Mount Rainier Nasionale Park. Volgens die sensus van 2010 was daar 191 704 inwoners. Tacoma is die tweede grootste stad in die Puget Sound-omgewing en die derde grootste in die staat. Tacoma dien ook as die middelpunt van sakebedrywighede vir die South Sound-streek, met ongeveer 1 miljoen inwoners.

Soos die meeste nywerheidstede, het Tacoma in die middel van die 20ste eeu 'n langdurige agteruitgang gehad as gevolg van voorstedeliking en disinvestering. Sedert die negentigerjare het Tacoma in die middestad 'n bloeitydperk beleef. Die ontwikkeling in die middestad sluit die Universiteit van Washington Tacoma in; Line T, die eerste moderne elektriese spoorwegdiens in die staat; die staat se hoogste digtheid van kuns- en geskiedenismuseums; en 'n gerestoureerde waterfront, die Thea Foss Waterweg.

Galery

Lugfoto van Tacoma, Washington, die hawe van Tacoma en Commencement Bay

• 
  Uitsig op Mount Rainier en die hawe van Tacoma vanaf Brown's Point, 2009
• 
  Middestad, vroeë 20ste eeu
• 
  Huise in die historiese distrik South J Street
• 
  Die hawe van Tacoma, aan Commencement Bay, is een van die grootste hawens in die Pasifiese Noordweste.
• 
  East 21st Street-brug, 2006

Sien ook

• Tacoma Narrowsbrugramp