Telewizja Polska
|
Hierdie artikel bevat nie ’n bronnelys nie, wat beteken dat die inhoud nie geverifieer kan word nie. Enige bevraagtekende inligting mag dus ook mettertyd verwyder word. Help Wikipedia deur betroubare bronne tot die artikel by te voeg. |
Telewizja Polska (Poolse Televisie), dikwels afgekort tot TVP [ˈtɛ ˈfaw ˈpɛ], is Pole se openbare televisie-uitsaaikorporasie. Sy dienste word deur lisensiegelde (sowat 'n derde van sy begroting), advertensies en borge gefinansier. Uitsaaidienste het in 1952 begin, en tot in die 1990's was TVP die enigste televisie-uitsaaier in die land.
| TVP SA Telewizja Polska Spółka Akcyjna | |
 | |
| Tipe | Openbare uitsaaier Aandelemaatskappy in regeringsbesit |
|---|---|
| Gestig | 25 Oktober 1952 |
| Hoofkantoor | Warskou, Pole |
| Sleutelpersone | Juliusz Braun (direkteur-generaal) |
| Gebied bedien | Pole |
| Industrie | Uitsaaidienste |
| Produkte | TV-programme, internet-portaal |
| Dienste | Televisie, aanlyn |
| Slagspreuk | TVP - Tworzona z pasją TVP - geskep met passie |
| Webwerf | tvp.pl |
Geskiedenis
wysig.jpg)
Die nodige tegniese voorbereidings vir Pole se eerste televisiediens is reeds in 1935 deur die Nasionale Instituut vir Telekommunikasie (Państwowy Instytut Telekomunikacyjny, PIT) getref, en onder andere was Polskie Radio, die land se openbare radio-uitsaaier, by dié projek betrokke. Die eerste toetsprogram is vanaf 1937 gebeeldsaai, en gereelde programme sou volgens die oorspronklike planne vanaf 1941 uitgesaai word. Weens die Duitse inval in Pole in 1939 moes uitsaaidienste gestaak word nadat alle tegniese toerusting deur die Duitse weermag vernietig is.
In 1947 is die voorbereidings hervat. Vyf jaar later, op 25 Oktober 1952, is Pole se eerste televisiekanaal geloods, die huidige TVP1. Televisie-ontvangs was aanvanklik nog beperk tot die hoofstad Warskou. Die eerste uitsaaidiens in die suide van die land, Telewizja Katowice (tans TVP3 Katowice), het sy diens op 3 Desember 1957 begin. Gaandeweg het meer streekskanale gevolg.
Op 2 Oktober 1970 het TVP2, die tweede kanaal, sy program in die hele land begin uitsaai. Op 16 Maart 1971 is die eerste kleurtelevisieprogramme volgens die SECAM-standaard gebeeldsaai. In 1995 het Poolse uitsaaiers na die PAL-kleurstndaard oorgeskakel.
Die streekskanale is vanaf die 1990's geherorganiseer as TVP3 (sedert 2007 TVP Info). 'n Eie kanaal vir Poolssprekendes in die buiteland, TVP Polonia, is in 1992 geloods. 'n Kultuurkanaal, TVP Kultura, het op 24 April 2005 begin beeldsaai.