Teltow (landskap)
Die term Teltow ['tɛltoː] verwys tans sowel na 'n geologiese hoogplato asook 'n geskiedkundige landskap in die Duitse deelstate Brandenburg en Berlyn. As een van die kerngebiede van die Mark Brandenburg het die Teltow in die 12de en 13de eeu 'n belangrike historiese rol gespeel.
Tussen 1816 en 1956 het die distrik Teltow as 'n administratiewe eenheid bestaan. Daarnaas het die landskap sy naam ook aan 'n stad net suid van Berlyn verleen: Teltow in Brandenburg.