Teologiegebou UP
Die Teologiegebou se styl is soortgelyk aan ander ouer geboue op die Hatfieldkampus van die Universiteit van Pretoria, ondanks die ietwat moderner komposisie en argitektuur aan die binnekant. Sommige verwys na die styl van die gebou, wat deur die argitekfirma Burg, Lodge en Burg ontwerp is, as Akademiese Herlewingsargitektuur. Die gebou is in 1951 ingewy en huisves die Fakulteit Teologie. Tussen 1951 en 1959 het die gebou ook die Fakulteite Regsgeleerdheid en Opvoedkunde, asook die Departemente Sosiologie, Kriminologie, Toegepaste Sosiologie, Geskiedenis en Sielkunde gehuisves. Die gebou was aanvanklik bekend as die Nuwe Kunstegebou, maar dit is later herdoop na die Teologiegebou.[1]
