The Brady Bunch
The Brady Bunch is 'n Amerikaanse TV-reeks van die 1960’s en 1970’s oor die avonture van ’n groot, gelukkige gesin met goedgemanierde kinders.[1] Die sitkom is deur Sherwood Schwartz geskep en van 26 September 1969 tot 8 Maart 1974 op ABC uitgesaai. Dit bestaan uit vyf seisoene met 117 episodes en handel oor die doen en late van 'n stieffamilie met ses kinders en 'n lawe huishoudster. Die reeks word as een van die laaste ou-styl familie-sitkoms beskou.
| The Brady Bunch | |
 Brady met sy drie seuns, sy vrou met haar drie dogters en die huishoudster. | |
| Genre | Familie-sitkom |
|---|---|
| Geskep deur | Sherwood Schwartz |
| Met | Robert Reed Florence Henderson Ann B. Davis Barry Williams Maureen McCormick Christopher Knight Eve Plumb Mike Lookinland Susan Olsen |
| Oorsprong |  Verenigde State |
| Taal | Engels |
| Aantal seisoene | 5 |
| Aantal episodes | 117 |
| Produksie | |
| Uitvoerende vervaardiger(s) | Sherwood Schwartz |
| Vervaardiger(s) | Howard Leeds Sherwood Schwartz Lloyd Schwartz |
| Looptydperk | 25–26 minute |
| Verspreider | CBS Television Distribution |
| Uitsending | |
| Oorspronklike kanaal | ABC |
| Beeldformaat | NTSC |
| Klankformaat | Mono |
| Eerste lopie | 26 September 1969 – 8 Maart 1974 |
| Kronologie | |
| Opgevolg deur | The Brady Brides A Very Brady Christmas The Bradys |
Ná die reeks se kansellasie in 1974 is dit vanaf September 1975 vir sindikasie beskikbaar gestel. Terwyl die oorspronklike reeks nie uitermatig suksesvol was nie, het dit onder sindikasie gewilde kykmateriaal vir jong kinders en tieners geword.[2]
Talle opvolgreekse en TV-films het die lig gesien, insluitende The Brady Bunch Hour (1976–77), The Brady Girls Get Married (1981), The Brady Brides (1981), A Very Brady Christmas (1988) en The Bradys (1990). Die reeks is in 1995 in 'n satiriese fliek getiteld The Brady Bunch Movie verwerk, wat in 1996 met A Very Brady Sequel opgevolg is. 'n Tweede opvolg, The Brady Bunch in the White House, is vir TV aangepas en in 2002 op Fox uitgesaai.
Episode 12 van seisoen 3 (Getting Davy Jones) is in 1997 deur die Amerikaanse TV Guide-tydskrif as een van die 100 Grootste Episodes van Alle Tye aangewys.[3]
Verwysings wysig
- ↑ HAT Taal-en-feitegids, Pearson, Desember 2013, ISBN 978-1-77578-243-8
- ↑ "Ann B Davis obit" (in Engels). Straight.com. Geargiveer vanaf die oorspronklike op 9 Oktober 2019. Besoek op 3 Junie 2014.
- ↑ "Special Collectors' Issue: 100 Greatest Episodes of All Time". TV Guide (28 Junie-4 Julie). 1997.
Eksterne skakels wysig
Wikimedia Commons het meer media in die kategorie The Brady Bunch.- Sjabloon:Str rightmost/ The Brady Bunch op IMDb
