The Cat in the Hat

The Cat in the Hat is ’n gewilde kinderboek deur die Amerikaanse skrywer Dr. Seuss wat in rymformaat geskryf is en sketse bevat. Die boek is die eerste keer in 1957 gepubliseer. Dit vertel die verhaal van ’n vreemde kat wat ’n hoë rooi-en-wit hoed dra en hom met allerlei truuks besig hou. Dieselfde karakter maak sy verskyning in ander van Dr. Seuss se boeke.

The Cat in the Hat
Skrywer	Dr. Seuss
Land	Verenigde State
Taal	Engels
Genre	Kinderboek
Uitgewer	Random House, Houghton Mifflin
Uitgegee	12 Maart 1957
ISBN	978-0-7172-6059-1
Voorloper	How the Grinch Stole Christmas!
Vervolg	The Cat in the Hat Comes Back
Letterkunde-portaal

Ingang na 'n Cat in the Hat-pretrit in 'n temapark.

Die boek word aan kinders voorgelees.

Seuss skryf die boek nadat hy uitgedaag is om 'n storie te skryf waarvan jong lesers sal hou. Hy het 'n lys van 438 woorde ontvang wat kinders moet ken, en is vertel dat hy geen ander woorde mag gebruik nie. Toe die storie voltooi is, het dit 223 woorde vanaf hierdie lys bevat.

Meer as 11 miljoen kopieë van die boek is gedruk. Dit is in meer as 12 verskillende tale vertaal. Die verhaal is ook vir televisie, rolprente en die verhoog aangepas.

Storie

Twee kinders word op 'n reënerige dag alleen by die huis gelos. Hulle word deur 'n kat besoek wat 'n rooi-en-wit gestreepte hoed met 'n rooi strikdas dra. Die kat voer allerhande truuks uit om die kinders te vermaak, ten spyte van hul vis se herhaalde besware. Hy balanseer 'n koppie, 'n koek, 'n sambreel en ander dinge terwyl hy op 'n bal staan. Die kat gaan haal 'n boks van buite. Binne in is twee kreature, genaamd "Thing One" en "Thing Two". Hierdie kreature begin vlieërs in die huis te vlieg. Die kinders vang die kreature met 'n net. Die huis is 'n gemors, maar die kat ruim dit op. Dan vertrek hy net voor die kinders se ma tuiskom.

Eksterne skakels

• Wikimedia Commons het meer media in die kategorie The Cat in the Hat.