The Co-operative Group

The Co-operative Group is 'n Britse verbruikerskoöperatief met 'n verskeidenheid belange in die kleinhandelbedryf. Dit is in gemeenskaplike besit van sy lede en word ook deur hulle bestuur. Die groep is die grootste organisasie van sy soort in die Verenigde Koninkryk met 'n ledetal van agt miljoen. Lede is betrokke by die bestuursake en -styl van die koöperatief en bepaal ook hoe die groep se sosiale doelwitte bereik moet word.

The Co-operative Group Limited
The Co-Operative clover leaf logo.svg
Kenteken van The Co-operative Group.png
One Angel Square during night, December 2012.jpg
Tipe Verbruikerskoöperatief
Gestig 13 Desember 1844
Hoofkantoor ManchesterVerenigde Koninkryk
SleutelpersoneAllan Leighton (voorsitter)
Steve Murrells (hoof uitvoerende beampte)
Pippa Wicks (vise-HUB)
Gebied bedienVerenigde Koninkryk
IndustrieKleinhandelbedryf
Finansiële dienste
Reisagentskappe
Begrafnisdienste
Regsdienste
Elektriese verbruikersware
InkomsteGreen Arrow Up Darker.svg £9,5 miljard (2017)
Netto inkomsteGreen Arrow Up Darker.svg £72 miljoen (2017)
WerknemersMeer as 70 000 (2017)
Dogter-
maatskappye
Manx Co-operative Society (gestig in 1920)
Webwerfco-operative.coop

Tans het The Co-operative Group meer as 70 000 personeellede in diens. Die groep se hoofkwartier, One Angel Square wat in 2013 geopen is, is in Manchester geleë en maak deel uit van 'n kompleks van altesaam agt geboue wat as nasionale monumente gelys is - CIS Tower, Hanover Building, New Century House en Redfern Building.

Die koöperatief se belange strek van voedselkleinhandel, finansiële dienste, begrafnisdienste en regsdienste tot reisagentskappe en elektriese verbruikersware (wat aanlyn aangebied word). In die Verenigde Koninkryk staan die groep algemeen as The Co-op bekend, veral wat sy voedselkleinhandelafdeling betref.

Lidmaatskap staan oop vir elkeen vanaf die ouderdom van sestien jaar, mits die voornemende lid die waardes en beginsels deel waarop die koöperatief sedert sy stigting baseer. Die groep se wins word jaarliks tussen lede verdeel, afhangende van die winsbedrag en die bedrag wat 'n lid in dié jaar aan The Co-op se goedere en dienste bestee het. Die getal aktiewe lede is in 2017 op 4,6 miljoen beraam.