The Last of the Mohicans (roman)
The Last of the Mohicans: A Narrative of 1757 is 'n historiese roman wat in 1826 deur James Fenimore Cooper geskryf is. Dit is die tweede boek van die Leatherstocking Tales-pentalogie en die bekendste onder hedendaagse lesers.[1] The Pathfinder, wat 14 jaar later in 1840 gepubliseer is, is die opvolg daarvan.
Storielyn wysig
The Last of the Mohicans speel af in 1757, tydens die Franse en Indiaanse Oorlog (die Noord-Amerikaanse teater van die Sewejarige Oorlog), toe Frankryk en Groot-Brittanje geveg het om beheer oor Noord-Amerika. Gedurende hierdie oorlog het beide die Franse en die Britte inheemse Amerikaanse bondgenote gebruik, maar die Franse was veral afhanklik van hulle, aangesien die Franse in die noordoostelike grensgebiede in die minderheid was teen die Britte. Die gebeurtenisse van die roman speel spesifiek af voor, tydens en na die beleg van Fort William Henry.
Die roman speel hoofsaaklik af in die omgewing van Lake George, New York, en beskryf die vervoer van die twee dogters van kolonel Munro, Alice en Cora, na 'n veilige bestemming in Fort William Henry. Onder die karavaan wat die vroue bewaak, is die grensman Natty Bumppo, majoor Duncan Heyward, sangonderwyser David Gamut, en die Indiane Chingachgook en Uncas, waarvan laasgenoemde twee die titelkarakters van die roman is. Hierdie karakters word soms gesien as 'n mikrokosmos van die ontluikende Amerikaanse samelewing, veral met betrekking tot hul rassesamestelling.[2]
Gewildheid wysig
Die roman is sedert sy publikasie een van die gewildste Engelstalige romans en word gereeld in Amerikaanse literatuurkursusse gelees.[3] Dit is verskeie kere en in baie tale aangepas vir films, TV-films en tekenprente.
Verwysings wysig
- ↑ Last, of the Mohicans, The. In: Merriam-Webster's Encyclopedia of Literature. Merriam-Webster, 1995, ISBN 0877790426, p.661
- ↑ New Ideas of Race: The Last of the Mohicans. In: Fiona J. Stafford: The Last of the Race: The Growth of a Myth from Milton to Darwin.. Oxford Scholarship, 1994
- ↑ Last of the Mohicans. In: Martin J. Manning (ed.), Clarence R. Wyatt (ed.): Encyclopedia of Media and Propaganda in Wartime America. Volume I.. ABC-CLIO, 2011, ISBN 9781598842289, pp. 75-76
Verdere leeswerk wysig
- H. Daniel Peck (ed.): New Essays on The Last of the Mohicans. Cambridge University Press 1992, ISBN 0-521-37771-4
- Martin Barker, Roger Sabin: The Last of the Mohicans. University Press of Mississippi 1995, ISBN 0-87805-858-3
- George Dekker (ed.), John P. Williams (ed.): James Fenimore Cooper: The Critical Heritage. Routledge 1997, ISBN 0-415-15928-8, pp. 87–114
- Craig White: Student Companion to James Fenimore Cooper. Greenwood Publishing 2006, ISBN 0-313-33413-7, pp. 101–124
| Hierdie artikel is in sy geheel of gedeeltelik vanuit die Engelse Wikipedia vertaal. |
