Thomas Andrews (skeepsbouer)

Thomas Andrews, Jr. (* 7 Februarie 1873; † 15 April 1912) was 'n Noord-Ierse sakeman en skeepsbouer; besturende direkteur en hoof van die tekenkantoor van die skeepsbouwerf Harland and Wolff in Belfast, Ierland.

Thomas Andrews, Jr.
Gebore7 Februarie 1873
Comber, graafskap Down, Ierland
Sterf15 April 1912 (op 39)
NasionaliteitKoninkryk van Groot-Brittanje
BeroepSkeepsbouer
EggenootHelen Reilly Barbour (1908-1912)
KindersElizabeth Law Barbour Andrews (1910-1973)

Andrews was die skeepsargitek wat die stoomskip RMS Titanic ontwerp het. Hy was aan boord van dié skip toe dit op sy nooiensvaart op 14 April 1912 'n ysberg getref en gesink het. Andrews was een van 1 507 passasiers en bemanningslede wat in die ramp gesterf het.

Lewe wysig

Vroeë lewe wysig

Thomas Andrews is in Ardara House, Comber in die Ierse graafskap Down as die tweede seun van Thomas Andrews (1843–1916), 'n lid van die Geheime Raad van Ierland (Privy Council of Ireland), en Eliza Pirrie (1845–1929) gebore.[1] Twee van sy broers het later belangrike poste in die openbare lewe van Noord-Ierland beklee - John Miller Andrews as eerste minister en Sir James Andrews as hoofregter.

Thomas Andrews het in Ardara House grootgeword en vanaf 1884 tot 1889 by die Royal Belfast Academical Institution skoolgegaan. Daarna het hy op die ouderdom van sestien jaar sy beroepsopleiding by die Harland and Wolff-skeepswerf in Belfast begin waar sy oom, Viscount Pirrie, gedeeltelike eienaar was.

Verwysings wysig

  1. Belfast Shipbuilders. Brosjure, gepubliseer deur die Ulster-Scots Community Network, die Ulster-Scots Agency en die Arts Council of Northern Ireland, sonder jaargetal, bl. 22