Timothy Donald (Tim) Cook (Robertsdale, Alabama, 1 November 1960) is sedert 24 Augustus 2011 die Hoof- uitvoerende beampte (HUB) van Apple Inc., as opvolger van Steve Jobs.

Tim Cook
Steven Mnuchin and Tim Cook at Apple HQ (cropped).jpg
Tim Cook in 2018
Gebore
Timothy Donald Cook

1 November 1960
Robertsdale, Alabama, VSA
NasionaliteitVlag van Verenigde State van Amerika Verenigde State
BeroepBestuurder in die rekenaarsektor
Bekend virDie Hoof- uitvoerende beampte (HUB) van Apple Inc.

Cook is gebore as die seun van 'n skeepswerfwerker en 'n huisvrou. Hy het in 1982 sy B.S.-graad in bedryfsingenieurswese aan die Universiteit van Auburn en sy MBA aan die Fuqua School of Business, deel van Duke universiteit, in 1988 ontvang.

Hy het 12 jaar as direkteur in IBM se rekenaarafdeling gewerk. Hy dien daarna as HUB (Hoof- uitvoerende beampte) by Intelligent Electronics, en was daarna ses maande as vise-president van Compaq voordat hy in 1998 deur Steve Jobs by Apple aangestel is, waar hy Senior vise-president van wêreldwye operasies geword het. Cook was verantwoordelik vir Apple se besluit om produksie in die toekoms uit te kontrakteer, die voorraad aansienlik te verminder en winsmarges aansienlik te verbeter. In 2007 word hy Apple se HUB.

Nadat hy Jobs in 2004 en vir 'n langer tydperk in 2009 twee maande as voorsitter van die raad vervang het, het hy Jobs op 24 Augustus 2011 opgevolg. In die praktyk was Cook egter al 'n geruime tyd verantwoordelik vir die daaglikse besluite van die onderneming.

Op 30 Oktober 2014 het hy in die openbaar oor sy seksualiteit uitgekom in 'n kolom vir die Amerikaanse tydskrif Bloomberg Businessweek. Hiermee wou hy bydra tot die wêreldwye aanvaarding van homoseksuele mense, dit was ook die hoofrede vir hom om uit te kom. Kollegas en vriende weet al 'n geruime tyd van sy homoseksualiteit; hy het dit nooit in die openbaar bevestig of ontken nie, sê Cook.

Eksterne skakelsWysig