Timlin-versameling

Die Timlin-versameling in die William Humphreys-kunsgalery in Kimberley bestaan uit tekeninge en olie- en waterverfskilderye deur William Mitcheson Timlin.

Landskap in die Wes-Kaap, moontlik naby Riviersonderend, geteken 'William M. Timlin' (links onder)

Timlin is in die 1890's in Engeland gebore en sterf in 1943 in Kimberley. Op 19-jarige ouderdom het hy na Kimberley gekom en word daar 'n vakleerling by en later vennoot van die argitek D.W. Greathead. Deur sy skilderye, pastelle, etse, kameë en as argitek van bekende geboue in Kimberley en as skrywer word hy in Suid-Afrikaanse kunskringe 'n bekende kunstenaar met 'n lewendige verbeelding en 'n eie kenmerkende styl. Timlin skilder in die 1920's en 1930's verskeie plaaslike landskappe en teken tydskrifvoorblaaie en boekillustrasies. Sy eie fantasietekeninge versier sy boek The ship that sailed to Mars. Ook doen hy in 1929 die illustrasies vir die boek Kalaharie-kaskenades deur die Hobson-broers.

Timlin stal sy werke onder andere uit by die Rykskou in Wembley. Sy werke is ook te sien in galerye in Pretoria, Bloemfontein, Durban en Grahamstad.

BibliografieWysig

  • Alexander, Lucy en Evelyn Cohen: 150 South African paintings. Kaapstad: Struikhof, 1990. ISBN 0-947458-25-5