Tirida
Tirida, ook bekend as Stabulum Diomedis of Stabulo Diomedis (beide is Latyns vir 'Diomedes se stal') was 'n dorp in Thracië. Plinius skryf "Oppidum fuit Tirida, Diomedis equorum stabulis dirum." (Afrikaans: "Die stad was Tirida, Diomedes se stalle van wilde perde.").[1][2] Hierdie Diomedes was die koning van die Bistoniërs, wat die gewoonte gehad het om vreemdelinge vir die perde te gooi om deur die woestaards verorber te word, totdat dieselfde lot Diomedes later toegeval het toe hy op dieselfde wyse deur Herakles gestraf is.[3] Gebaseer op die passasie deur Plinius, identifiseer die leksikograaf William Smith Tirida met die dorp Stabulum Diomedis in die Reisroetes. Die dorp was geleë aan die kus van Thracië op die Via Egnatia, 18 myl volgens die Antonynse-reisroete en 12 myl volgens die Itinerarium Burdigalense, van Porsula (of Maximianopolis in Rhodope). William Hazlitt het ook in die 19de eeu geskryf dat die perseel van Stabulum Diomedis die van die vroeëre Dicaea was.[4] Martianus Capella skryf oor Tyrida in sy De nuptiis, en merk op dat dit geleë was naby regio Maronea.[5] Sommige het voorgestel dat die dorp aan die Geto-Daciese enklave behoort het.[6]
Moderne navorsers aanvaar die indentifikasie van Tirida met Stabulum Diomedis, maar verwerp die identifikasie met Dicaea, wat die ligging van Stabulum Diomedes onbekend laat, maar met 'n groot waarskynlikheid dat dit naby Anastasioupolis geleë was.[7] Ander name van die nedersetting sluit in Cartera Come of Kartera Kome, Turris Diomedis ('Diomedes se toring') en Tyrida. Strabo is hier oorlede in 481 n.C..[8]
Verwysings
wysig- ↑ Plinius. Naturalis Historia. Vol. 4.11.18.
- ↑ Smith, William, red. (1854–1857). "Stabulum Diomedis". Dictionary of Greek and Roman Geography. Londen: John Murray.
- ↑ Pomponius Mela. De situ orbis. Vol. 2.2.8.
- ↑ William Hazlitt (1851). The Classical Gazetteer. Vol. p. 135.
- ↑ Martianus Capella, De nuptiis Philologiae et Mercurii, 6.657.
- ↑ Olteanu, Sorin. "Linguae Thraco-Daco-Moesorum - Toponyms Section". Linguae Thraco-Daco-Moesorum (in Roemeens en Engels). Geargiveer vanaf die oorspronklike op 16 Julie 2011. Besoek op 3 Januarie 2010.
- ↑ Richard Talbert, red. (2000). Barrington Atlas of the Greek and Roman World. Princeton-universiteit drukkers. p. 51, en bygaande notas. ISBN 978-0-691-03169-9.
- ↑ Marcellinus Comes, 481.1.
