Townland

'n Townland (Iers: baile fearainn) is die kleinste geografiese eenheid waarin grondgebied in Ierland administratief ingedeel word. Die townland-stelsel is van Gaeliese oorsprong (soos onder meer uit die grotendeels Gaeliese name blyk) en dateer uit die tydperk voor die Noormanne-invalle. Townlands was oorspronklik landerye wat deur groot families bewerk is, en sommige geskiedkundiges vermoed dat hierdie stelsel die vorming van groter landelike nedersettings teengewerk het.

'n Straatbord in die graafskap Antrim dui aan dat hierdie deel van die pad in die townland Teeshan geleë is

'n Townland-grensmarkeerder

Volgens die sensus van 1911 was daar 60 679 bewoonde townlands in Ierland. Moderne databasisse soos Irish Place Names het in 2014 altesaam 61 098 erkende townlands gelys, waaronder ook onbewoonde eenhede soos klein eilande.