Toyota AZ-enjin

Die Toyota AZ-reeks is 'n enjinfamilie van gevorderde inlynviersilinder suierenjins.

Die AZ-reeks gebruik 'n aluminium-enjinblok met gietystersilindervoerings en aluminium DBNA-silinderkoppe. Die enjinreeks bied vele gevorderde tegnologie, insluitende skuins-inspuiting ontbrandingskamers, afwykende silinder-krukaslyne en die VVT-i voortdurend-veranderlike-inlaatklep-tydstelsel. Die aluminiumenjin se afmetings is 626 mm lank, 608 mm breed en 681 mm hoog.

Die silinderblok is 'n oop-dek, midi-romp gietaluminium met ingegote ystervoerings, 'n gegote aluminium lae krukkas en 'n gestempelde oliepan. Die gesmeede staalkrukas word volledig gebalanseer met agt teengewigte en ondersteun deur vyf hooflaers.

Die enjin is in die jare 2000 tot 2018 deur Toyota vervaardig.