Toyota E-enjin

Die Toyota E-reeks is 'n inlynviersilinderenjinreeks, en gebruik 'n tydreëlband eerder as 'n tydreëlketting. Die E-enjins was die eerste multiklepenjins deur Toyota ontwerp met ekonomie, praktiese en alledaagse gebruik in gedagte (eerder as prestasie). Soos baie ander Toyota-enjins van die era, beskik die E-enjinreeks oor 'n gietysterblok met 'n aluminiumsilinderkop.

'n Toyota 2E-enjin

E-enjins is ligter in vergelyking met vroeëre Toyota-enjins, as gevolg van die hol krukas, uitgedunde gietsel van die silinderblok, en verskeie ander massabesparings. Vergasserweergawes sluit in 'n nuutontwerpte, veranderlike-venturi vergasser. Al hierdie veranderinge verbeter ekonomie en kraglewering. Die E-familie enjins wissel van 1,0 tot 1,5 L in verplasing.

Die E-familie vervang die K-enjins in die meeste toepassings. Meeste onderdele in die reeks is onderling uitruilbaar.

Die enjins is in die jare 1985 tot 1999 deur die Toyota Motorkorporasie vervaardig.