Trek Airways

was 'n lugredery gebaseer in Suid-Afrika van Augustus 1953 tot April 1994

Trek Airways is 'n voormalige lugredery gebaseer in Suid-Afrika wat vanaf Augustus 1953 tot April 1994 bedryf is.

'n Boeing 747SP van Trek Airways.

Maatskappygeskiedenis wysig

Trek Airways, wat in 1953 gestig is deur die afgetrede Duitse generaalmajoor Friedrich Wilhelm von Mellenthin (1904-1997), was die enigste Suid-Afrikaanse lugredery afgesien van die Suid-Afrikaanse Lugdiens wat internasionale vlugte bedryf het. Aanvanklik is vlugte vanaf Europa na Suid-Afrika bedryf met een stop. Die vliegtuig wat destyds gebruik is, was die Vickers VC.1 Viking. Aangesien die Viking nie voldoende reikafstand vir die operasies gehad het nie, is hulle deur die Douglas DC-4 en Lockheed L-749A Constellation vervang. Later het hul die Lockheed L-1649 Starliner bedryf.

Trek Airways het destyds vlugte vanaf Londen, Düsseldorf, Wene en Luxemburg na Windhoek en Johannesburg met twee of drie tussenstopte onderneem.[1]

In 1964 is 'n samewerking met Luxair bereik waarvolgens Luxair passasiers na ander Europese lughawens verbind is.

In 1968 is die eerste straalvliegtuig gebruik toe 'n Boeing 707 ingestel is, maar as gevolg van die verbod op Suid-Afrikaanse geregistreerde vliegtuie moes Trek Airways vlugte vir 'n tydperk opskort. Dié bedrywighede is in 1991 hervestig en weer is daar 'n samewerking met Luxair ingestel waardeur Trek 'n Boeing 747-SP van Luxair / Luxavia wat in die ou Trek-kleurskema geverf was, gebruik het. Dit was ook gedurende hierdie tyd dat Trek 'n filiaal genaamd Flitestar gestig het met Airbus A320 en ATR-72-vliegtuie.

In 1991 het die politiek weer verander en die Suid-Afrikaanse regering het sy lugvaartbeleid gedereguleer. Trek Airways het aansoek gedoen om 'n lisensie vir 'n Suid-Afrikaanse huishoudelike diens, in direkte mededinging aan die SAL. Flitestar is gebore wat Airbus A320's bedryf het. Op 11 April 1994 het Trek egter alle bedrywighede gestaak. [2]

Destydse vliegtuigvloot wysig

  • Vickers VC.1 Viking
  • Douglas DC-4
  • Lockheed L-749A Constellation
  • Lockheed L-1649 Starliner
  • Boeing 747-SP

Bibliografie wysig

  • William Buckland "Paddy" Rorke: Trek Airways – A South African Adventure, Athena Press, 2007

Verwysings wysig

  1. Trek Airways
  2. Hengi, B.I. (2000). Airlines Remembered: Over 200 Airlines of the Past, Described and Illustrated in Colour. Midland. ISBN 9781857800913.

Eksterne skakels wysig