Trekliedjie

Trekliedjie is 'n lied waarvan die teks deur Antoinette Carinus-Holzhausen (1883–1945) en die musiek deur die Amerikaner Walter Kittredge (1834-1905) in 1864 geskryf is. Die lied is in die F.A.K.-Volksangbundel opgeneem.

Omslag van 'n F.A.K.-Volksangbundel.

Liedteks

Die sweep het geklap en die wawiele draai agter die rooispan aan. Ons hart is swaar; die skeiding is daar van die plaas waar ons tuiste staan. Trek oor die vlakte en trek oor die rand. Stadig nou! Briek aandraai! Hotagter! Haaragter! Vat nou die wa! Geluk lê net om die draai! Uitspan vanaand, uitspan vanaand, uitspan op Mooifontein! Hotagter! Haaragter! Vat nou die wa! Geluk lê net om die draai! Met jou aan my sy, o liefste van my, dan vrees ek geen gevaar. Die wildernis in om die vryheid te win; daar word ons drome waar. Trek oor die vlakte en trek oor die rand. Stadig nou! Briek aandraai! Hotagter! Haaragter! Vat nou die wa! Geluk lê net om die draai! Uitspan vanaand, uitspan vanaand, uitspan op Mooifontein! Hotagter! Haaragter! Vat nou die wa! Geluk lê net om die draai! Ja, geluk lê om die draai.

Bekende interpretasies

• Carike Keuzenkamp

Bron

• http://waterbobbejaan.co.za/trekliedjie/^{[dooie skakel]}
• Trekliedjie op Wikisource