Triberg-watervalle
Die Triberg-watervalle in die Swartwoud-stad Triberg word met hulle hoogte van 163 meter dikwels as die hoogste in Duitsland beskryf. Die bergstroom Gutach stort hier in sewe watervalle na die stadsentrum. Nogtans word die Triberg-watervalle nog oortref deur die Röthbach- en Todtnau-watervalle, wat egter minder bekend is. Die Röthbach-waterval naby die Königmeer is byna 470 meter hoog, maar minder toeganklik.
Die Triberg-watervalle word net soos ander toeristebestemmings in die Swartwoud in Europa en oorsee bemark en lok jaarliks groot getalle besoekers. Die watervalle is maklik toeganklik, en daar is uitstekende voetslaanpaaie. Danksy die illuminasie, wat saans tot middernag beskikbaar is, kan besoekers die besonderse atmosfeer van die valle geniet. Die watervalle is ook oop tydens die winter, wanneer hulle soms bevries en 'n wonderlike gesig bied.