Uhuru-beweging
| Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Die Uhuru-beweging (Uhuru is die Swahili-woord vir vryheid.[1]) is 'n radikale internasionale sosialistiese beweging geskoei op die teorie van swart nasionalisme, wat historiese inligting versprei om die sosiale en ekonomiese toestande van Afrikane wêreldwyd te verduidelik. Uhuru word deur die Sosialistiese Afrikavolksparty (SAVP) gedryf onder die voorsitterskap van Omali Yeshitela, wat die beweging in 1972 gestig het.[2]
Die beweging se swart lede beskou hulself as Afrikane, hulle erken nie die identiteite wat in die koloniale tydperk en uit die tyd van slawerny aan hulle gegee is nie. Hulle is deel van die Afrikanasie se diaspora.
Die SAVP het verskeie organisasies gestig, elkeen met 'n spesifieke doel.[3]
Politieke sieninge
wysigDie Uhuru-beweging se politieke ideologie is Afrika-internasionalisme, wat aanvoer dat kapitalisme gebore is as 'n parasiet vir die aanslag op Afrika en sy mense.[4] Afrika-internasionalisme reken dat Kapitalisme inderdaad imperialisme is wat tot op sy hoogste vlak ontwikkel het,[5] en nie andersom soos wat Wladimir Lenin dit ontleed het nie. Dié veronderstelling kom uit Marx se boek, Das Kapital, waar hy praat van "die toestand wat noodsaaklik is vir die ontstaan van kapitalisme",en wat hy beskryf as, "die primitiewe versameling van kapitaal vir kapitalisme se beginpunt."[5] Die 'primitiewe versameling' waarna Marx verwys is die resultate van die aanslag op Afrika en die uitbuiting en uitvoere van die vasteland se hulpbronne, insluitende die mense van Afrika en die natuurlike hulpbronne. Volgens die Uhuru-beweging is dit die honderde jare van gedwonge arbeid en ongebreidelde uitbuiting van Afrika se minerale rykdomme wat Europa uit die donkereeue geneem en die grondslag vir die kapitalistiese wêreldstelsel gelê het. Volgens die Uhuru-beweging se teorie sou Europa, sonder Afrika, 'n woesteny sonder enige hulpbronne gewees het.
Afrika-internasionalisme is nie 'n statiese teorie wat net verwys na toestande uit die verlede nie. Dit gaan voort en verduidelik die toestande waaronder die mense van Afrika vandag moet voortbestaan. Dit verwys na Afrikane wat in imperialistiese sentra soos Amerika en Europa se "interneringskolonies" moet leef, [4] en dat kolonisasie geensins 'n dooie praktyk is nie, maar steeds voortleef in neo-kolonialisme (witmag in 'n swart gesig). Van buurtverfraaiing tot polisie-geweld, Afrika-internasionalisme verduidelik die toestande van die onderdruktes en bied 'n uitweg uit dié onderdrukking.
Die Beweging eis die vrylating van alle Afrikane wat in Amerikaanse tronke aangehou word, beskryf dit as "konsentrasiekampe", en beskryf die Amerikaanse polisie as 'n "onwettige mag". Hulle eis ook die onttrekking van alle polisiemagte aan onderdrukte gemeenskappe.[6]
Lede van die Uhuru-beweging glo dat die lewensomstandighede van Afrikane nie sal verbeter totdat kapitalisme tot 'n val kom nie. Die bevryding sal net kom deur 'n sosialistiese revolusie wat Afrika kan verenig onder die leierskap van die werkersklas. Die Beweging beywer hom vir die ekonomiese en politieke bevryding op die vasteland van Afrika, sowel as oorsee, en die opbou van ekonomiese en volhoubare ontwikkeling onder die Afrika-gemeenskappe wêreldwyd.
Media
wysig- UhuruNews.com
- Burning Spear Publications
- Black Power 96.3 St. Petersburg
Omstredenheid en kritiek
wysigDie Uhuru-beweging het in 2008 tydens die presidensiële verkiesingsveldtog in Amerika aandag getrek toe lede 'n vergadering van Barack Obama in 'n stadsaal in St. Petersburg, Florida ontwrig het, en by hom wou weet: "Wat van die swart gemeenskap?"[7] Hy is daarvan beskuldig dat hy nie vir die swartes omgee oor kwessies van polisiegeweld, hoë werkloosheidsyfer, roofsugtuge geldleenskemas en Orkaan Katrina nie.[8]
In 2004 was die leier, Omali Yeshitela, in 'n voorval betrokke toe hy 'n Halloween-uitstalling in St. Petersburg verwoes het. Die uitstalling was 'n opgestopte pop wat aan 'n tuisgemaakte galg gehang het. Hy het onder kritiek deurgeloop in die St. Petersburg Times se briewekolom waar die inwoners baie krities teenoor die Uhuru-beweging was en Yeshitela se optrede veroordeel het.
Die Uhuru-beweging het in Januarie 2009 weer onder skoot gekom toe die bond teen laster die organisasie se betrokkenheid by optogte wat, soos die bond aangevoer het, negatiewe gevoelens teenoor Israel en die Sioniste aanblaas, veroordeel het. [9][10]
Yeshitela het ook probleme opgetel met sy toespraak, 'die wortel van rassisme en Sionisme", waartydens hy na die Sjoa verwys het as "hierdie ding wat hulle die 'Holocaust' noem […] 'n werktuig, 'n wapen teen onderdrukte mense oral”[11]
Lees ook
wysig- African nationalism
- Black Power
- Dead Prez, hip-hop group which advocates African Internationalism and other Uhuru beliefs
- Omali Yeshitela
Verwysings
wysig- ↑ Standard Swahili-English Dictionary, Frederick Johnson.
- ↑ "African People's Socialist Party-USA – History".
- ↑ "Uhuru Movement Dot Org: Welcome to the Uhuru Movement!"
- ↑ 4,0 4,1 "African People's Socialist Party-USA Constitution" Geargiveer 8 Desember 2015 op Wayback Machine. uhurunews.com. Verwysingfout: Invalid
<ref>tag; name ":0" defined multiple times with different content - ↑ 5,0 5,1 "War abounds!
- ↑ Enhancing Police Integrity, Carl B. Klockars, Sanja Kutnjak Ivković, Maria R. Haberfeld.
- ↑ "Protestor Tells Why He Heckled Obama".
- ↑ Miller, Sunlen.
- ↑ "Israel's Action in Gaza Spurs Anti-Israel Rallies" Geargiveer 28 Oktober 2012 op Wayback Machine.
- ↑ Kuruvila, Matthai (April 1, 2009).
- ↑ "Uhuru Video: Omali Yeshitela speaks on the roots of racism and Zionism" Geargiveer 26 September 2015 op Wayback Machine.