Union List of Artist Names
Die Union List of Artist Names (ULAN) is ’n gratis aanlyn databasis van die Getty-navorsingsinstituut wat teen 2018 meer as 300 000 kunstenaars en meer as 720 000 name vir hulle bevat het, sowel as ander inligting oor kunstenaars.[1] Name in ULAN kan ’n voornaam insluit saam met ’n skuilnaam, ander spellings, name in verskeie tale en name wat mettertyd verander het (soos getroudes se van). Een van die gegewe name word aangedui as die verkose een.
Hoewel dit as ’n lys vertoon word, is die ULAN soos ’n tesourus gestruktureer en voldoen dit aan standaarde vir tesourusse.
Die fokus van elke ULAN-rekord is ’n kunstenaar. In die databasis word elke kunstenaarsrekord deur ’n unieke nommer geïdentifiseer. Die kunstenaar se nasionaliteit word aangedui, asook ’n geboorte- en sterfteplek (indien bekend).[2] Gekoppel aan elke rekord is name, verwante kunstenaars, bronne vir die data en notas. Kunstenaars van die oudheid tot die hede word gedek, en die dekking is wêreldwyd.
Kunstenaars is óf individue óf groepe individue wat saamwerk. Die kunstenaars is meestal skeppers wat betrokke is in konsepbeplanning of produksie in die visuele kunste en argitektuur – maar gewoonlik nie akteurs, dansers en ander uitvoerende kunstenaars nie.[3]
Verwysings
wysig- ↑ ULAN FAQ
- ↑ Lerner, Heidi G. (2008)."Resources for Jewish Biography and Autobiography on the Internet". Shofar 26(2), 128–142.
- ↑ About ULAN