Universiteit van Jyväskylä
| Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Die Universiteit van Jyväskylä (Fins: Jyväskylän yliopisto) is ’n universiteit in Jyväskylä, Finland. Die universiteit het sy oorsprong as die eerste onderwyskollege wat onderrig in Fins aangebied het. Die onderwyskollege is in 1863 gestig. Daar is ongeveer 15 000 ingeskrewe studente. Gemeet aan die hoeveelheid meestersgrade wat toegeken is, is dit die tweede grootste universiteit in Finland.
| Universiteit van Jyväskylä | |
|---|---|
| Leuse: | Amica veritas |
| Leuse in Afrikaans: | Waarheid is 'n vriend |
| Gestig: | 1934 |
| Tipe: | Openbare universiteit |
| Rektor: | Dr. Aino Sallinen |
| Personeel: | 2 600 |
| Studentetal: | 15 000 |
| Ligging: | Jyväskylä, Finland |
| Webtuiste: | www.jyu.fi |
Geskiedenis wysig
Die Universiteit van Jyväskylä het ’n belangrike rol gespeel in die Finse kultuurgeskiedenis. Dit is in 1863 gestig en die universiteit het sy oorsprong in die eerste Finssprekende onderwyskollege, die sogenaamde Onderwyer Kweekskool. Die kweekskool het uigeloop in die Onderwyskollege in 1937 en daarmee saam is toestemming gegee dat die kollege ook doktorsgrade mag toeken. In die 1960’s het die kollege begin onderwys en navorsing bied in die wetenskappe en in 1967 is dit hernoem tot die Universiteit van Jyväskylä.
Die universiteit bied ’n wye verskeidenheid studierigtings vir Baccalaureus of Magister grade in Engels, waarvan baie uniek tot Finland is. Natuurwetenskappe, Geesteswetenskappe, Sport- en Gesondheidwetenskappe en Onderwysopleiding is die spesialisareas van die universiteit.
Grootte wysig
Die universiteit het 15 000 studente bykomend tot die volwasse onderwysstudente, wat ongeveer 40 000 in getal uitmaak. Elke jaar word ongeveer tweeduisend nuwe studente ingeskryf en gemiddeld een sewende van aansoekers kry toelating. Die maak die Universiteit van Jyväskylä een van die gewildste universiteite in Finland. Gemeet aan die aantal Meestersgrade wat toegeken word, is die Universiteit van Jyväskylä die tweede grootste in Finland.
Organisasie wysig
Die universiteit bied voorgraadse en nagraadse kursusse aan asook onderwysopleidingsprogramme en meer as 120 vakrigtings.
Die universiteit bestaan tans uit sewe fakulteite:
- Fakulteit Geesteswetenskappe
- Fakulteit Inligtingstegnologie
- Fakulteit Opvoedkunde
- Fakulteit Sport- en Gesondheidswetenskappe
- Fakulteit Wiskunde en Wetenskap
- Skool vir Besigheid en Ekonomie
- Fakulteit Sosiale Wetenskappe
Elke fakulteit is aktief in navorsing en bied voor- en nagraadse grade in meer as een vak aan.
Sentra van Uitnemendheid wysig
Sentra van Uitnementheid in Navorsing word deur die Akademie van Finland genomineer:
- Kern- en Versnellergebaseerde Fisika (toegerus met ’n siklotron)
- Biologiese Interaksienavorsing
- Geskiedenis van ’n Gemeenskap: Heroorweging van Finland 1400–2000 (Universiteite van Tampere en Jyväskylä)
- Interdissiplinêre Musieknavorsing (Universiteite van Jyväskylä en Helsinki)
- Filosofiese Sielkunde, Moraliteit en Politiek: Menslike gedrag in die Geskiedenis van Filosofie (Universiteite van Helsinki en Jyväskylä)
Sentrum vir Uitnemendheid in Universiteitsopvoeding 2010–2012:
- Departement van Fisika genomineer deur die Finse Hoër Onderwys Evalueringsraad.
Internasionale Meestersprogramme wysig
Die Universiteit van Jyväskylä bied gratis 2-jaar Meestersprogramme in Engels aan.
- Digitale Kultuur
- Opvoedkundige Leierskap
- Ontwikkeling en Internasionale Samewerking
- ICC Interkulturele Kommunikasie
- Musiek, Verstand en Tegnologie
- Magister Scientium
- BPA Biologie van Fisiese Aktiwiteit
- Korporatiewe Omgewingsbestuur
- Gesinsbesigheid
- Mobiele Tegnologie en Besigheid
- Nanowetenskap
- Hernieubare Energie
- Sport- en Oefeningsielkunde
- Sportwetenskap en Bestuur
- Volhoubare Bestuur van Binnelandse Akwatiese Hulpbronne
- Erasmus Mundus Meestersprogram
- Europese Meestersgraad in Sport- en Oefeningsielkunde
Kampusse wysig
Die fakulteite en departemente is hoofsaaklik geleë op drie kampusse: die hoofkampus in die stadsentrum — waar die oorspronklike kweekskool sy begin gehad het — asook die Mattilanniemi- en Ylistönrinne-kampusse aan weerskante van Jyväsjärvi-meer. Hierdie twee kampusse is verbind met ’n brug en is ongeveer tien minute se stap van die hoofkampus af.
Verskeie geboue in die hoofkampusgebied is ontwerp deur die bekende Finse argitek, Alvar Aalto. Aalto het die opdrag ontvang om die Onderwyskollege se kampus se ontwerp na ’n kompetisie in 1951. Aalto het met die idee gewerk dat Jyväskylä onder die inwoners bekend gestaan het as die “Athene van die Noorde”, en die uitleg van die kampus weerspieël die beginsels van die uitleg van die Akropolis. Hierdie skema het selfs ’n opelugteater in die Griekse styl ingesluit, hoewel dit in minimale vorm uitgevoer is.
Geboue in die kampusgebied wat deur Alvar Aalto ontwerp is:
- Onderwysersopleidingskool 1951–1954
- Personeelbehuising 1951 (nou die Jyväskylä Universiteitsmuseum)
- Studentekoshuis 1952–1954 (nou die departement van tale)
- Lozzi en Lyhty personeel- en studente-eetsale
- Hoofgebou 1954–1956
- Swembad 1954–1958, 1964, verskeie veranderings (genoem Aalto-Alvari)
- Liggaamlike Opvoedkundegebou 1971
- Biblioteek 1957 (nou die Aalto Leeskamer)
In 1969–1970 is ’n argitektuurkompetisie gereël vir die ontwerp van die nuwe universiteitskampusse by Mattilanniemi en Ylistönrinne. Die kompetisie is gewen deur die argitek Arto Sipinen, wat vroeër vir Aalto gewerk het. Sipinen het ook nuwe geboue vir die hoofkampus ontwerp, waaronder ’n nuwe hoofbiblioteek (1974).
Ander Instellings wysig
Ander instellings in die universiteit sluit die volgende in:
- Agora-sentrum
- Kokkola Universiteitskonsortium Chydenius
- Sentrum vir Inligtingsbestuur
- Sentrum vir Voortgesette Onderwys
- Opvoedingsevalueringsekretariaat
- Instituut vir Opvoedkundige Navorsing
- Instituut vir Omgewingsnavorsing
- Sentrum vir Tale
- Oop Universiteit
- Universiteitsbiblioteek
- Universiteitsmuseum