Urban Dictionary
| Urban Dictionary | |
|---|---|
| Tipe webblad | sleurtaalwoordeboek, |
| Taal(e) | Engels |
| Registrasie | slegs nodig vir redigering |
| Eienaar | Aaron Peckham |
| Outeur | Aaron Peckham |
| Opgerig | 1999 |
| Huidige status | Aktief |
| URL | www.urbandictionary.com |
Urban Dictionary is ’n webaangedrewe woordeboek van sleurtaalwoorde en –sinsnedes. Vanaf 2009 spog hierdie webwerf met oor die 4 miljoen omskrywings op sy kerfstok. Inskrywings word deur vrywillige bewerkers reguleer en word volgens waarde deur besoekers beoordeel.
Anita Hamilton, van die Time-tydskrif, het Urban Dictionary by haar ‘50 beste webruimtes van 2008’-lysie gevoeg. [1][2]
Geskiedenis
wysigDie webruimte is in 1999 deur Aaron Peckham, van die California Polytechnic State University, gestig.
Een van die eerste definisies op die blad is the man, wat verwys na, the head of the establishment put in place to 'bring us down'. [3]
Inhoud
wysigDie definisies op Urban Dictionary het te make met sleng- of subkultuurwoorde, -sinsnedes en –verskynsels wat nie in algemene woordeboeke opgeteken is nie. Die meeste woorde het verskeie omskrywings, gebruiksvoorbeelde en merkers.
Rassistiese, homofobiese of seksistiese terme is aanvaarbaar, solank dit slegs die gebruik van hierdie sleurtaal uitspel en nie op sigself lasterend is nie.
Die webruimte se riglyne doen aan die hand dat definisies wat persoonlike verwysings, nie-kalkligpersone, onsin, reklame, omskrywings van seksuele geweld, sowel as grappe wat op lede van die webwerf gemik word, insluit, vermy behoort te word.
Gehaltebeheer
wysigGehalte word demokraties op twee vlakke gehandhaaf. Eerstens stem geregistreerde verbruikers om sodoende nuwe definisies te aanvaar of te verwerp. Omskrywings verskyn in die woordeboek na dit ’n voldoende gelykheid van “aanvaar” of “verwerp” stemme verwerf het.
Tweedens kan woordbepalings wat alreeds in die woordeboek vervat is deur enige besoeker “op” of “af” gestem word. Die definisies verskyn in dalende volgorde, na gelang van die hoeveelheid stemme wat toegeken is.
Verkeer en gebruikers
wysigVanaf April 2009 het Urban Dictionary oor die 4 miljoen woordbepalings sterk gestaan, met ’n gemiddeld van 2 000 wat daagliks opgelaai word. Die webwerf word deur ongeveer 5 miljoen afsonderlike besoekers maandeliks besoek, met 80% van die gebruikers wat jonger as 25 is. [3] Urban Dictionary se Alexa-waardeskatting is 653, met ’n 291-waarde in die Verenigde State, sowel as 18 881 webtuistes wat daaraan gekoppel is. [4]
Verwysings
wysig- ↑ "50 Best Web Sites - Podcast" (in Engels). TIME. Geargiveer vanaf die oorspronklike op 6 Julie 2013. Besoek op 5 Januarie 2010.
- ↑ "Urban Dictionary - 50 Best Websites 2008" (in Engels). TIME. Geargiveer vanaf die oorspronklike op 26 Augustus 2013. Besoek op 5 Januarie 2010.
- ↑ 3,0 3,1 Heffernan, Virginia (1 Julie 2009). "Street Smart: Urban Dictionary" (in Engels). New York Times. Geargiveer vanaf die oorspronklike op 30 November 2019. Besoek op 25 Januarie 2010.
- ↑ "Alexa: Urbandictionary.com" (in Engels). Alexa Internet. Geargiveer vanaf die oorspronklike op 7 Mei 2020. Besoek op 25 Januarie 2010.
| Hierdie artikel is in sy geheel of gedeeltelik vanuit die Engelse Wikipedia vertaal. |
Boeke
wysig- Peckham, Aaron (2005). Urban dictionary: fularious street slang defined. Kansas City, Missouri: Andrews McMeel Publishing, L.L.C. p. 320. ISBN 0-7407-5143-3. Besoek op 25 Januarie 2010.
- Peckham, Aaron (2007). Mo' Urban Dictionary: Ridonkulous Street Slang Defined. Kansas City, Missouri: Andrews McMeel Publishing, L.L.C. p. 240. ISBN 0-7407-6875-1. Besoek op 25 Januarie 2010.