Vanielje
Vanielje is 'n geur afgelei van orgideë van die genus Vanilla, hoofsaaklik uit die Meksikaanse spesie, platblaarvanielje (V. planifolia). Die woord vanielje is afgelei van die verkleinvorm van die Spaanse woord vaina (wat beteken skede of peul), vertaal as bloot "klein peul".
Pre-Columbiaanse Meso-amerikaners het oorspronklik die wingerdstok van die vanielje-orgidee gekweek. Die Spanjaard Hernán Cortés word gekrediteer met die bekendstelling van beide vanielje en sjokolade aan Europa in die 1520s.
Vanielje is die tweede duurste spesery na saffraan[1][2] omdat die kweek van vanieljepeule arbeidsintensief is.[2] Ten spyte van die koste word vanielje hoog aangeskryf vir sy smaak, wat die skrywer Frederic Rosengarten, Jr. beskryf in The Book of Spices as "suiwer, pittig en delikaat", met sy komplekse blommegeur 'n "eienaardige boeket" [3] Om hierdie rede word vanielje wyd gebruik in beide kommersiële en huishoudelike gebak, parfuumvervaardiging en aromaterapie.
Verwysings
wysig- ↑ Le Cordon Bleu (2009). Le Cordon Bleu Cuisine Foundations. Cengage learning. p. 213. ISBN 978-1-4354-8137-4.
- ↑ 2,0 2,1 Parthasarathy, V. A.; Chempakam, Bhageerathy; Zachariah, T. John (2008). Chemistry of Spices. CAB International. p. 2. ISBN 978-1-84593-405-7.
- ↑ Rosengarten, Frederic (1973). The Book of Spices. Pyramid Books. ISBN 978-0-515-03220-8.
| Hierdie artikel is in sy geheel of gedeeltelik vanuit die Engelse Wikipedia vertaal. |
