Vannermerwe

Vannermerwe is 'n bynaam vir 'n persoon wie se van Van der Merwe is.

Die bynaam word in die Afrikaanse spreektaal in verskeie grappe gebruik, gewoonlik met Vannermerwe aan die kortste kant daarvan. As voorbeeld van die verskynsel:

Vannermerwe en sy drie vriende ry deur die woestyn. Die kar breek en hulle moet die res van die pad loop. Elkeen neem toe 'n stuk van die kar saam om die lang en warm pad makliker te maak. Die een vat die watertenk om sy dors te les. Die ander vat 'n sitplek om op te sit as hy moeg is. Vannermerwe vat toe 'n venster sodat hy dit kan afdraai as hy warm kry.