Vegetarisme is die gebruik om nie vleis, veral rooivleis, te eet nie. Dit kan ook ander diereprodukte insluit,[1][2][3]

’n Verskeidenheid vegetariese en veganistiese kossoorte.

Mense kan om verskeie redes ’n vegetariër word. Baie maak beswaar teen die eet van vleis uit respek vir ander lewende wesens, dalk om godsdienstige redes of vanweë respek vir diereregte. Dit kan ook om gesondheids-, politieke, omgewings-, kulturele, ekonomiese of persoonlike redes wees. Vegetariese diëte verskil ook: ’n Ovolaktovegetariër eet eiers en suiwelprodukte; ’n ovovegetariër eet eiers, maar nie suiwelprodukte nie; ’n laktovegetariër eet suiwelprodukte, maar nie eiers nie. ’n Veganistiese dieet sluit alle diereprodukte uit, insluitende eiers en suiwelprodukte. Sommige vaganiste vermy ook ander diereprodukte, soos byewas, leer of syklere.

Verpakte en geprosesseerde kosse soos koekies, sjokolade, jogurt en lekkers bevat dikwels onbekende bestanddele en kan ’n bron van kommer vir vegetariërs wees.[3][4] Hulle sal dikwels deur die bestanddele van ’n produk lees om seker te maak dit bevat nie diereprodukte nie.[4] Hul menings oor sulke bestanddele wissel egter. Terwyl sommige byvoorbeeld onbewus kan wees van die diereproduk stremsel se rol in die maak van kaas en dit dus onbewustelik sal eet,[3][5][6] kan ander vegetariërs eenvoudig nie ’n probleem hê met die eet daarvan nie.[3]

Halfvegetariese diëte bestaan grootliks uit vegetariese produkte, maar kan vis of pluimvee insluit. Sulke mense beskou "vleis" gewoonlik net as die vleis van soogdiere, hoewel hulle met vegetarisme identifiseer.[7][8] Sommige vegetariërgroepe beskou sulke diëte nie as vegetaries nie.[9]

Verwysings wysig

  1. "What is a vegetarian?". The Vegetarian Society. Geargiveer vanaf die oorspronklike op 30 April 2013. Besoek op 11 Desember 2010.
  2. "Frequently Asked Questions - Ingredients 1: Gelatine". International Vegetarian Union (IVU). Besoek op 7 Februarie 2013.
  3. 3,0 3,1 3,2 3,3 "Why Avoid Hidden Animal Ingredients?". The North American Vegetarian Society. Geargiveer vanaf die oorspronklike op 4 September 2012. Besoek op 7 Februarie 2013.
  4. 4,0 4,1 "Things to look out for if you are a vegetarian/vegan". The Vegetarian Society. Geargiveer vanaf die oorspronklike op 18 Maart 2018. Besoek op 11 Desember 2010.
  5. Keevican, Michael. "What's in Your Cheese?". Vegetarian Resource Group. Besoek op 10 Desember 2010.
  6. "Frequently Asked Questions — Food Ingredients". Vegetarian Resource Group. Besoek op 9 Julie 2010.
  7. Shorter Oxford English Dictionary (2002 en 2007) definieer "vegetarian" (noun) as "A person who on principle abstains from animal food; esp. one who avoids meat but will eat dairy produce and eggs and sometimes also fish (cf. VEGAN noun)."
  8. Barr SI, Chapman GE (Maart 2002). "Perceptions and practices of self-defined current vegetarian and nonvegetarian women". Journal of the American Dietetic Association. 102 (3): 354–360. doi:10.1016/S0002-8223(02)90083-0. PMID 11902368.
  9. "Vegetarians don't eat fish, shellfish or crustacea, but they can still enjoy one of the healthiest diets available". Vegetarian Society. Geargiveer vanaf die oorspronklike op 4 Maart 2016. Besoek op 28 Julie 2013.

Eksterne skakels wysig