Veiligheid

Veiligheid is 'n toestand waarin daar gevoel word dat niks slegs gaan gebeur nie. Dit is dus die afwesigheid van gevaar en die aanwesigheid van beskermende maatreëls teen gevaarlike toestande. Veiligheid bly egter 'n relatiewe begrip, omdat omstandighede nooit absoluut veilig kan wees nie. 'n Veilige situasie of omgewing is een waar die risiko vir beserings of skade laag en bestuurbaar is.

'n Kernkragsentrale moet aan hoë veiligheidstandaarde voldoen as gevolg van die groot gevaar wat dit inhou.

'n Gevaar op die pad: Die motorfiets is oorlaai en vervoer gasbottels wat 'n groot ontploffing kan veroorsaak as dit beskadig word.

Brandweerjins soos hierdie word dikwels genoem om nooddekking by ongelukke te verskaf.

Veiligheid in die konstruksie bedryf word gereguleer deur die Occupational Health and Safety Act. No 85 of 1993.

Skynveiligheid

Die begrip veiligheid bestaan rasioneel sowel as denkbeeldig. Rasioneel kan allerlei berekeninge op 'n situasie toegepas word om te bepaal hoe veilig dit is. Daarnaas kan mense ook onder die denkbeeldige persepsie van veiligheid verkeer. Iemand kan dus veilig voel, waar dit rasioneel gesien nie so is nie. Dit word skynveiligheid (of skynonveiligheid) genoem.

Organisasies

Verskeie organisasies bemoei hulle met veiligheid. Die polisie is daar om openbare veiligheid te verseker en die publiek teen mense wat die wet oortree te beskerm. Die brandweer bestry brandgevaar en inspekteer geboue en toerusting om te verseker dat dit veilig is.

Reëls en regulasies

Reëls en regulasies bestaan oral om ons, en moet gehoorsaam word om veiligheid te verseker. Padreëls verseker byvoorbeeld motoriste en voetgangers se veiligheid. Daar moet aan streng vereistes voldoen word as gif- en plofstowwe geberg word. Geboue moet ook aan sekere veiligheidsmaatreëls voldoen.

Toerusting

Veiligheidstoerusting is ook uiters noodsaaklik. So kan brandblussers mense se lewens red as 'n brand uitbreek. Helms word gedra om die kop teen besering te beskerm. Jou huis bied veiligheid teen die weer.

Sport byeenkomste

Alle publieke sportbyeenkomse in Suid-Afrika is onderhewig aan die Safety at Sport, Recreational Events Act 2010. Die wet is gepromulgeer om die publiek se veiligheid te verseker tydens sport byeenkomste. Hierdie wetgewing het ontstaan na aanleiding van die Ellisparkramp van 11 April 2001.

Bronnelys

• "Risk and Safety". Concise Encyclopedia of Economics (2nd). (2008). Ed. David R. Henderson. Indianapolis: Library of Economics and Liberty. ISBN 978-0865976658. OCLC 237794267.