Venom
Venom is 'n karakter in Amerikaanse strokiesverhale van Marvel Comics. Hy is een van Spider-Man se grootste vyande, saam met Doctor Octopus en die Green Goblin.
| Venom | |
| |
'n Cosplayer as Venom.
| |
| Skepping | |
|---|---|
| Eerste verskyning | As Spider-Man: The Amazing Spider-Man #252 (Mei 1984) As Venom: The Amazing Spider-Man #300 (Mei 1988) |
| Geskep deur | Marvel Comics
|
| Inligting | |
| Alter ego | Verskeie |
| Spesie | Simbioot |
Die karakter is 'n buiteaardse simbioot met 'n vormlose, vloeistofagtige liggaam wat oorleef deur in 'n gasheer, gewoonlik 'n mens, te bly. Dié dubbele lewensvorm kry verhoogde kragte en verwys meestal na homself as "Venom". Hy het aanvanklik in 'n buiteaardse kostuum verskyn in The Amazing Spider-Man #252 (Mei 1984), en 'n volle verskyning as Venom gemaak in The Amazing Spider-Man #300 (Mei 1988).
Die simbioot se eerste gasheer was Spider-Man self, wat uiteindelik sy ware aard ontdek en hom van Venom gedistansieer het in The Amazing Spider-Man #258 (November 1984).[1] Hy het later in ander gashere gebly, soos Eddie Brock, sy tweede en bekendste gasheer. Hy het toe die eerste keer as Venom bekend geword.
Sedert sy skepping het Venom ontwikkel tot 'n soort antiheld, wat opgehou het om Spider-Man se lewe te probeer ruïneer en eerder goeie dade verrig het. Hy het Spider-Man selfs met tye gehelp. Ná Brock het talle ander gashere gevolg, soos die skurke Mac Gargan en Flash Thompson. In 2017 het Venom na Brock teruggekeer. Venom se mees onlangse en huidige gasheer is Brock se biologiese seun, Dylan. Hy het ook al verskeie kinders, soos Scream, Lasher, Phage, Agony, Riot, Mania, Sleeper en Carnage, wat Venom se aartsvyand word nadat hy aan die reeksmoordenaar Cletus Kasady gebind word.
Venom is gewild onder aanhangers en veral die Eddie Brock-inkarnasie is die bes herkenbare vyand van Spider-Man wat nie deur die aanvanklike span van Stan Lee en Steve Ditko bekend gestel is nie. Hy het al verskyn in rolprente, televisieprogramme en videospeletjies. Die karakter is al deur Tobey Maguire en Topher Grace uitgebeeld in die fliek Spider-Man 3 (2007) en hoofsaaklik deur Tom Hardy in Venom (2018) en Venom: Let There Be Carnage (2021).
Venom is gelys as 33ste op die tydskrif Empire se "50 Grootste Strokiesboekkarakters,[2] en 22ste op die webtuiste IGN se "100 Grootste Strokiesboekskurke van Alle Tye".[3]
Verwysings
wysig- ↑ Tom DeFalco, The Sinister Secret of Spider-Man's New Costume, The Amazing Spider-Man #258, Marvel Comics, November 1984.
- ↑ 33 Venom, "The 50 Greatest Comic Book Characters", Empire. Besoek op 2 Julie 2011.
- ↑ "'22. Venom': Top 100 Comic Book Villains of All Time". IGN. Geargiveer vanaf die oorspronklike op 16 April 2010. Besoek op 2 Julie 2011.
Skakels
wysig
Hierdie artikel is in sy geheel of gedeeltelik uit die Engelse Wikipedia vertaal.
