Verenigde Nasies Konferensie vir die Standardisering van Geografiese Name
Die Verenigde Nasies se Konferensie vir die Standardisering van Geografiese Name is 'n internasionale konferensie wat deur die Verenigde Nasies se Statistiese Kommissie georganiseer word. Die doel van die konferensie is om die standardisering van nasionale geografiese name te fasiliteer. Die konferensie het nie ten doel om politieke geskille tussen state oor die gebruik (al dan nie) van spesifieke name by te lê nie.
Die konferensie vind elke vyf jare plaas by die Verenigde Nasies se hoofkantoor in New York Stad. Indien 'n land die konferensie wil aanbied, en bereid is om die ekstra kostes te dra, kan die konferensie ook elders gehou word. Elke land mag 'n afvaardiging stuur. Lede van hierdie afvaardigings is hoofsaaklik kenners op geografiese name in hul onderskeie lande.
Die mees onlangse konferensie (die negende) was in Augustus 2007 in New York gehou.