Verskietende ster
Verskietende ster is ’n Afrikaanse rolprent wat op 22 April 2016 vrygestel is. Die storie is deur Stefan Enslin geskryf. Darrel Roodt het die regie behartig.
| Verskietende ster | |
|---|---|
| Regisseur | Darrel Roodt |
| Produksieleier | Stefan Enslin & Philo Pieterse |
| Draaiboek | Stefan Enslin |
| Met | Hykie Berg Deanre Reiners Jana Strydom |
| Musiek deur | Geo Höhn |
| Ateljee | Faith in Motion Productions |
| Uitgereik | 22 April 2016 |
| Land | Suid-Afrika |
| Taal | Afrikaans |
| Amptelike webtuiste | |
| IMDb-profiel | |
Genre
wysigDie rolprent is 'n drama-kunsfliek. Dit het 'n ouderdomsperk van 10–12 jaar (ouerleiding word aanbeveel).
Rolverdeling
wysig- Hykie Berg as Tomas Schuman
- Deànré Reiners as Phillip Schuman (klaviergenie)
- Jana Strydom as Maria Schuman
- Hannes van Wyk as Max du Toit
- Jakkie Groenewald as Meneer Nortje
- Dirk Vermeulen as Meneer Taylor
- Jurgen Hellberg as kliënt
- Hanli Rolfes as Juffrou McDonald
Storie
wysigPhillip Schuman, 'n 13-jarige klaviergenie, word vergelyk met die klaviermaestro Ludwig van Beethoven. Sy fisieke grootte tel teen hom en hy lyk glad nie soos 'n seuntjie van sy ouderdom moet lyk nie.
Sy pa, Tomas Schuman, is die eienaar van 'n familiebesigheid wat hy teen sy wil oorgeneem het en, net soos Phillip, is hy ook gebore met 'n talent vir musiek.
Phillip word raakgesien deur die nuwe musiekvakadviseur en word kort voor lank teen Tomas se wil vir ekstra klavierlesse genooi. Max probeer sorg dat Phillip se talent nie verlore gaan nie, al beteken dit ook om die reëls te breek.