Die viool is 'n snaarinstrument met vier snare. Die klank word voortgebring deur die snare met 'n strykstok in trilling te bring of deur dit met die vingers te tokkel (Italiaans: pizzicato). Die houtklankkas dien om die geluid van die trillende snare te versterk. Die viool word deurgaans bespeel deur die instrument tussen ken en skouer te klem en met die vingers van die linkerhand die snare teen die ebbehouttoets vas te druk om sodoende die snaar te verkort om die gewenste toonhoogte weer te gee. Die speler van 'n viool is 'n violis(te).

'n Viool en strykstok in hul kassie

Bekende violiste sluit in Hilary Hahn, Wolfgang Amadeus Mozart en meer onlangs, TwoSet Violin en Chloe Chua.

Sien ook wysig