Visierskerf

Visierskerf is 'n berg naby die dorp Fouriesburg in die Oos-Vrystaat. Die berg is een van die hoogste punte in die Vrystaatprovinsie van Suid-Afrika, en 'n bekende baken.

Oorsprong van naam

Die berg se naam kom van 'n keep in die kranse wat soos die visier van 'n geweer lyk.

Geologie

Die berg bestaan uit massiewe sandsteen kranse van die Clarens-sandsteenformasie, met die top van die berg wat uit doleritiese lawas bestaan wat tydens die opbreek van die superkontinent Gondwana daaroor uitgeloop het. Die berg is dus die oorblyfsels van die oorspronklike landskap, terwyl die omliggende valleie gevorm is deur erosie wat oor 'n tydperk van bykans 200 miljoen jaar plaasgevind het.