Vlag van die Lord Howe-eiland

Die Lord Howe-eiland, amptelik deel van Australië, gebruik die vlag van Australië as vlag. Die vlag van die Lord Howe-eiland is die nieamptelike vlag van die eiland, ’n ongeïnkorporeerde gebied van die deelstaat Nieu-Suid-Wallis wat deur die Lord Howe-eilandraad bestuur word. Die nieamptelike vlag van Lord Howe-eiland, wat deur die in Sydney-gebaseerde vlagkundige John Vaughan ontwerp is, is in November 1998 vir die eerste keer gehys. Die geel skyfie in die middel van die vlag toon die eiland se topografie met 'n Kentia-palmboom op, met ’n voor-1801 Union Jack, sonder die rooi van die Sint Joriskruis en die Sint Patrickkruis.

Vlag van die Lord Howe-eiland

Vlag van die Lord Howe-eiland
Verhouding	1:2
Ontwerp	’n Ou Unievlag met ’n geel silhoeët van die eiland daarop.
Ontwerp deur	John Vaughan

Ontwerp

Die geel skyfie in die sentrum verteenwoordig die son, asook die warmte en vriendelikheid van die eilandbewoners. Die wit “strale” skitter in die blou water van die Stille Oseaan. Die eiland se silhoeët verskyn op die sonskyf. Die wit “strale” vorm ook ’n Sint Joriskruis en ’n Sint Andreaskruis. Dit herinner aan Richard Howe, na wie die eiland genoem is, wie onder die Unievlag (destyds sonder die rooi Sint Patrickkruis) in die seeslag op 1 Junie (Glorieryke Eerste Junie) geveg het.

Geskiedenis

Op 24 Mei 1993 is die vlag deur die Australiër John Vaughan van die Vlagvereniging van Australië voorgestel en in November 1998 op verskeie punte van die eiland gehys, waar dit sedertdien gebruik word. Dit is egter nie amptelik goedgekeur nie, maar dit word oor die algemeen gebruik as ’n simbool van die eiland, wat deur die deelstaat Nieu-Suid-Wallis bestuur word.

Ander vlae

• 
  Amptelike vlag van die eiland

Eksterne skakels

• (en) Lord Howe Island by Flags of the World.
• (en) Vlagvereniging van Australië