Volumetriese fles
'n Volumetriese fles of maatkolf is 'n glashouer wat tot die laboratoriumtoerusting van die analitiese chemie behoort.
Dit word gewoonlik van deursigtige glas of plastiek gemaak, maar die glas kan ook 'n donker kleur hê om ligsensitiewe stowwe te beskerm. Die kolf bestaan uit 'n platbodem bol met 'n lang nek, gewoonlik met 'n stopprop. Op die nek is 'n streep aangebring om die geykte volume van die fles aan te dui.
Dit word gebruik om oplossings met 'n bekende molariteit te maak.[1] Die opgeloste stof, meestal 'n vastestof, maar dit kan ook 'n vloeistof wees, word op 'n weegskaal geweeg en die aantal mol bereken. Die opgesloste stof word in sy geheel in die maatkolf geplaas en oplosmiddel onder menging toegevoeg tot die oplossing presies die streep bereik.
Die volumetriese fles word ook gebruik om oplossings te verdun. 'n Hoeveelheid gekonsentreerde oplossing word met 'n pipet in die kolf gegooi en dan oplosmiddel tot die streep toegevoeg. So kan baie verdunde oplossings met 'n bekende konsentrasie verkry word, maar mens moet oppas dat die meetfoute nie opstapel wat die noukeurigheid beperk nie.
Verwysings
wysig- ↑ Jespersen, N.D.; Kerrigan, P. (2020). AP Chemistry with Online Tests. Barron's Test Prep (in Engels). Barrons Educational Series. p. 336. ISBN 978-1-5062-7195-8.
Eksterne skakels
wysig
Wikiwoordeboek het 'n inskrywing vir maatkolf.
