Voormalige Moskouse Provinsiale Raadsgebou

Die Voormalige Provinsiale Raadsgebou (Губернское правление, Goebernskoje prawlenije) is een van die minder opvallende geboue aan Rooiplein in Moskou. Dit staan tussen die Opstandingspoort en Kazan-katedraal. Dit is in 1733-1740 gebou en het lank gedien as die administratiewe hoofkwartier van Moskou en die Moskou-provinsies (wat min of meer ooreengestem het met die huidige Moskou-oblast). Tydens die oorlog teen Napoleon in 1812, toe groot dele van Moskou verwoes is, het dié gebou ook in die slag gebly. Dit is daarna herbou onder leiding van die argitek Joseph Bové, wat in ’n groot mate betrokke was by die herbou van die stad.