Vyf Swart Kategorieë
Tydens die Kulturele Rewolusie in die Volksrepubliek China (1966-1976) het Mao Zedong groepe geïdentifiseer wat hy as vyande van die rewolusie beskou het. Die frase Vyf Swart Kategorieë het na die volgende groepe verwys:
- Grondeienaars (地主, dìzhǔ)
- Ryk boere (富农, fùnóng)
- Teenrewolusionêre (反革命, fǎngèmíng)
- Mense met ’n slegte invloed ["slegte elemente"] (坏分子, huàifènzǐ)
- Regsgesindes (右派, yòupài)
| Vyf Swart Kategorieë | ||
| Name (taalvariante) | ||
| Tradisionele Chinees | 黑五類 | |
| Vereenvoudigde Chinees | 黑五类 | |
| Pinyin | Hēiwǔlèi | |
Aan die ander kant het Mao groepe mense, soos lede van die Kommunistiese Party van China, arm boere en laeklaswerkers, in Vyf Rooi Kategorieë verdeel. Dié swart/rooi kategorieë is geskep om ’n statusgemeenskap teweeg te bring. Mense in eersgenoemde groep het vernedering, "heropvoeding", fisieke aanvalle en vervolging ondergaan. Mao het geglo die viktimisasie van hierdie mense, sowel as ander burgers soos onderwysers, opgevoede intellektuele en vyande van kaders in die Kommunistiese Party, was nodig om die veranderings wat hy in die Chinese kultuur wou hê van stapel te stuur. Hy het geglo die mense wat geviktimiseer is, het dit óf verdien óf hulle het daarna beter burgers geword.
Bronne wysig
- MacFarquhar, Roderick, John K. Fairbank, en Denis C. Twitchett, reds. “Mass Mobilization.” The Cambridge History of China, Volume 15, The People's Republic Part 2. Revolutions within the Chinese Revolution, 1966–1982. 545. New York: Cambridge University Press, 1991.
- Walder, Andrew G. Fractured Rebellions: The Beijing Red Guard Movement. Cambridge: Harvard University Press, 2009.
- Yongyi, Song. “Chronology of Mass Killings during the Chinese Cultural Revolution (1966-1976).” Online Encyclopedia of Mass Violence. 25 Augustus 2011. Web. 31 Maart 2014.
Hierdie artikel is vertaal uit die Engelse Wikipedia
