W.M. Keck-sterrewag

Die W.M. Keck-sterrewag het twee teleskope teen 'n hoogte van 4,145 m wat na aan die piek van Mauna Kea, 'n stratovulkaan, in die deelstaat Hawaii, Verenigde State, geleë is.

Albei teleskope het primêre spieëls van 10 m en is voltooi in 1993 (Keck 1) en 1996 (Keck 2), in dié tyd die grootste astronomiese teleskope in die wêreld. Tans is hulle onderskeidelik die derde en vierde grootste.