Wapen van Malta
Die Wapen van Malta is die nasionale embleem van die land Malta.
Die huidige wapen word deur die Emblem and Public Seal of Malta Act of 1988 as volg beskryf: 'n Skild wat die heraldiese verteenwoordiging van die Vlag van Malta vertoon. Bo die skild is 'n muurkroon in goud met 'n uitvalpoort en vyf torinkies wat die fortifikasies van Malta voorstel asook 'n stadstaat aandui.[1] Rondom die skild is 'n krans met twee takke: regs 'n olyftak en links 'n palmtak, simbole van vrede en tradisioneel geassosieer met Malta. Die takke is aan die onderkant vasgebind met 'n wit lint, rooi van agter, waarop die woorde Repubblika ta' Malta ("Republik van Malta" in Maltees) in hoofletters in swart, geskryf staan.
Die nasionale wapen verskyn ook op die vlag van die President van Malta, asook op die 10c, 20c en 50c Maltese euro munte.
Die Wapen van Malta verskyn ook op die stertkant van die Maltese euro herdenkingsmunt, gemunt in 2008 en 2009 in beide goud en silwer versamelaaritems
Verwysings
wysig- ↑ "argiefkopie". Geargiveer vanaf die oorspronklike op 30 Julie 2012. Besoek op 17 September 2012.
| Hierdie artikel is in sy geheel of gedeeltelik vanuit die Engelse Wikipedia vertaal. |
