Westbury

Westbury is ’n voorstad in die weste van Johannesburg wat grens aan (kloksgewys van die noordweste): Martindale (en noord daarvan Sophiatown), Westdene, Hurst Hill, Coronationville, Newclare en Newlands. Dis sowat 7 km wes van die stadsaal geleë.

Westbury
Voorstad
Westbury  Westbury se ligging in Gauteng
Koördinate: 26°10′25″S 27°59′50″O
Land	Suid-Afrika
Provinsie	Gauteng
Munisipaliteit	Stad Johannesburg
Hoofplek	Johannesburg
Oppervlak
• Totaal	1,03 km2 (0,40 vk. myl)
Bevolking  (2011)
• Totaal	13 461
• Digtheid	13 069/km2 (33 850/vk. myl)
Rasverdeling (2011)
• Wit mense	0,2%
• Indiërs/Asiërs	0,9%
• Bruin mense	87,7%
• Swart mense	10,0%
• Ander	1,3%
Taal (2011)
• Afrikaans	56,9%
• Engels	36,7%
• Tswana	1,3%
• Zoeloe	1,3%
• Ander	3,8%

Geskiedenis

Westbury is aangelê op die plaas Waterval en het eers as Westlea bekendgestaan. In 1967 is die naam verander na Westbury, wat verwys na die ligging van die voorstad wes van die middestad. Die woord “bury” is afgelei van die Ou Engelse woord “burh”, “burg”, later “dorp”, en kom ook voor in plekname met die samestellings met die woorde “burg”, “burgh”, “brough”, “borough”, “burrough”, “boro” en “borrow”.

Demografie

Ingevolge die Groepsgebiedewet was Westbury ’n bruin woongebied. So het die bevolking van 15 108 in die sensus van 2001 nog uit 93,6% (14 137) bruin mense bestaan, met net 694 (4,59%) swart. Afrikaans was die huistaal van 69,7% (10 534) en Engels van 27,4% (4 138). Die toename van 93% in Westbury se swart bevolking in die daaropvolgende 10 jaar tot die sensus van 2011 was minder skerp as in die aanliggende Westdene, maar omtrent dieselfde as in Sophiatown, want teen 2011 het die totale bevolking afgeneem tot 13 461, van wie 87,7% (11 804) bruin was en 10% (1 339) swart. Die Afrikaanse inwoners het afgeneem tot 7 583 (56,9%) en die Engelse inwoners toegeneem tot 36,7% (4 883).

Sien ook

• Gereformeerde kerk Newclare

Bronne

• (en) Westbury se sensussyfers. URL besoek op 23 Januarie 2018.