Wikipedia:Suid-Afrikaanse Samewerking van die Week
Hierdie is 'n idee oorspronklik vanaf die Engelse Wikipediagemeenskap. Elke twee weke word 'n Suid-Afrikaanse Samewerking van die Week gekies volgens hierdie blad. Dit is 'n spesifieke onderwerp wat óf geen artikel het óf net 'n saadjie is, en wat direk verband hou met Suid-Afrika. Die mikpunt is om 'n artikel van hoë standaard teen die einde van die week te hê ná wye samewerkende verbetering.
Die projek se doel is om gapings wat oor Suid-Afrika in Wikipedia bestaan aan te vul, asook om gebruikers 'n fokuspunt en iets om op trots te kan wees te gee. Enigiemand kan 'n artikel vir hierdie doel benoem, en stemming vind plaas laer af op hierdie blad.
Elke Sondag word die stemme opgestel, en die wenner sal vir 'n week uitgelig word vir alle moontlike bydraers om in te spring.