Wikipedia:Voorbladartikel week 31 2009
Salvador Dalí was een van die belangrikste skilders van die 20ste eeu en is beroemd vir sy surrealistiese werk. Een van sy bekendste werke, "Die volharding van herinnering" is in 1931 voltooi. Sy kunssinnige repertorium het ook rolprente, beeldhouwerk en fotografie ingesluit. Hy het saam met Walt Disney gewerk aan die Oscar-benoemde kort animasierolprent Destino, wat postuum in 2003 uitgereik is. Alhoewel hy in Spanje gebore is, het Dalí op sy Arabiese afkoms aangedring en beweer dat sy voorouers afkomstig was van die More wat Spanje in 711 binnegeval het.