Wikipedia:Voorbladartikel week 50 2005

Die vier groot kerke in die ou stadskern

Zürich is die grootste stad en ekonomiese sentrum van Switserland met 366 145 (2004) inwoners in die stad en 1 091 732 inwoners in die metropolitaanse gebied. Zürich is ook die hoofstad van die gelyknamige kanton en beskik oor die belangrikste internasionale lughawe van Switserland, Zürich-Kloten.

Die naam Zürich is waarskynlik afgelei van die Keltiese woord Turus. In die Romeinse tydperk staan die stad onder sy Latynse naam Turicum bekend, terwyl dit in die plaaslike Duits-Alemanniese dialek Züri genoem word.