Wikipedia:Voorbladbeeld week 52 2007

'n Jong Himba-vrou en jong seun in Namibië. Die Himba is 'n etniese groep van ongeveer 20 000 tot 50 000 mense wat in die noorde van Namibië woon. Hulle is 'n nomadiese herdersvolk en nou verwant aan die Herero-volk, wat dieselfde taal (Herero) praat.

Namibië is die tweede mees yl bevolkte land ter wêreld, alhoewel die bevolking van omtrent 600 000 mense in 1961 tot 'n geskatte 2 083 405 in 2007 gegroei het. Die land word egter deur 'n hoogs onegalige bevolkingsverspreiding en 'n groot etniese diversiteit gekenmerk; die grootste deel van die Namibiërs woon in die vrugbare streke van die noorde en in die stedelike gebiede van die land.

Foto-erkenning: Yves Picq