Wikipedia:Wiki-skryfmarathon/10k

Ek (Alias) reël 'n partytjie ter viering van die tienduisend-kerf op 21 Junie 2008. Dit is hoofsaaklik 'n geleentheid om dié mylpaal te vier, maar daar sal seker ook gesels word oor die toekoms. Daar sal internettoegang wees vir mense wat 'n skootrekenaar wil saambring. Mense wat nie in lewende lywe kan bywoon nie, kan natuurlik op IRC uithang of partytjies in hulle eie geweste reël.

Dit sal die vorm van 'n bring-en-braai aanneem rondom middagetetyd (11:30 - 16:00). Bring eie vleis en drinkgoed. Ek delegeer dalk nog 'n paar ander eetgoed of takies.

Die geleentheid sal dalk bietjie ver wees vir mense buite Gauteng (en buite Suid-Afrika!), maar dit bly natuurlik elkeen se eie besluit. Aangesien ek aan privaatheidsparanoia ly, sal al die sensitiewe inligting (adres, ens.) per e-pos/foon uitgeruil word, en nie op hierdie bladsy wees nie :-)

Almal wat belangstel kan hier 'n boodskap los, en/of my per e-pos kontak. Dui asseblief die volgende aan:

• Wie en hoeveel kom? (metgeselle en kinders is welkom, maar plek is dalk beperk - sal moet sien)
• Kom 'n skootrekenaar saam? Kan dit aan 'n draadlose netwerk koppel?
• Hoe laat kan mense verwag word?
• E-posadres, of ander manier om privaat kontak te maak (ek sou nie enige persoonlike inligting op hierdie bladsy los nie)

Notas

• Almal vat dit soos dit kom. Ek's net 'n mens. Enigiemand wat kla, reël die volgende partytjie :-)
• Enigiemand is welkom, maar wie ook al kom, sal waarskynlik 'n hoë tolleransie vir Afrikaans moet hê.
• Kontak my asb. voor enigiemand van die media genader word. Ek sal dalk dinge bietjie anders wil reël as mense erg buite die projek gaan opdaag.

Belangstellendes

1. --Alias (kontak) 19:44, 16 Junie 2008 (UTC)
2. --RAM (kontak) 16:47, 17 Junie 2008 (UTC) + Vrou, 2 amper volwasse kinders, Skootrekenaar met WiFi, 12:00 - kontak my deur wikipedia-epos