Wikipedia:Wysigingskonflik
Hierdie bladsy bespreek wysigingskonflikte, en hoe om te werk te gaan daarmee. Om te verstaan wat 'n wysigingskonflik is, oorweeg die volgende situasie:
- Ben klik "Wysig hierdie bladsy" op 'n bladsy.
- Ansie klik "Wysig hierdie bladsy" op dieselfde bladsy, terwyl Ben dit redigeer.
- Ben voltooi sy wysigings en druk "Stoor wysigings". Die bladsy word gestoor met Ben se weergawe, terwyl Ansie nog steeds besig is met haar redigering.
- Ansie voltooi haar wysigings en druk "Stoor wysigings". Ansie kry 'n "wysigingskonflik" bladsy, omdat die wiki-sagteware nie outomaties die verskille kan versoen tussen Ben en Ansie se weergawes van die bladsy nie. Die wysigskonflikbladsy gee Ansie 'n kans om die verskille met die hand te versoen.
Uitleg van die wysigingskonflikbladsy
Let wel: Die volgende verduideliking mag dalk nie in ooreenstemming wees met die redigeringskoppelvlak wat jy sien nie, afhangende van jou rekening se voorkeure en apparaatjies, watter webblaaier jy gebruik, en of jy Wikipedia se tradisionele redakteur, visuele redakteur, of 'n mobiele app gebruik om mee te wysig.
Bo-aan die wysigingskonflikbladsy is 'n redigeringsraampie met Ben se weergawe van die hele bladsy, selfs al doen Ansie slegs afdelingsredigering.
Onderaan die wysigingskonflikbladsy is 'n tweede redigeringsraampie met die teks wat Ansie van plan was om in te dien. Dit sal Ansie se weergawe van die bladsy of afdeling wees wat sy geredigeer het.
Tussen die twee redigeringsraampies is 'n diff wat die verskil aandui tussen Ben en Ansie se weergawes van die artikel.
Ansie kan die boonste redigeringsraampie wysig en dan "Stoor bladsy" druk. In dié geval het Ansie net 'n gedeelte geredigeer, dit sal vertolk word as die nuwe weergawe van die artikel. Die beste oplossing in hierdie geval is om te jou nuwe teks te stoor (bv. op die knipbord), uit te kanselleer, en dan weer te probeer.
Die oplossing van 'n wysigingskonflik
As Ansie slegs klein veranderinge gemaak het, en Ben groot veranderinge, kan sy kies om aan Ben se weergawe te werk, en haar veranderinge daarin saam te smelt. Ansie kan teks byvoeg soos "via wysigingskonflik" in die wysigingsopsomming.
Indien Ansie groot veranderinge gemaak het, maar Ben net klein veranderinge, kan Ansie liefs haar weergawe verwerk. Een opsie vir Ansie is om die onderste teks in die boonste teks te kopieer, met 'n toepaslike wysigingsopsomming (bv, "via wysigingskonflik, sal versmelt"). Dan kan Ansie die bladsygeskiedenis bekyk, Ben se veranderinge bepaal, en heraansoek doen om hulle in haar weergawe te versmelt, in 'n aparte wysiging.
Indien beide Ansie en Ben groot veranderinge gemaak het, raak sake ingewikkeld, en Ansie en Ben moet maar die beste van die saak maak. Byvoorbeeld, as beide Ansie en Ben gelyktydig 'n groot gedeelte van die teks oor dieselfde onderwerp bygevoeg het, dan sal dit dalk die beste wees vir Ansie om haar veranderings in te dien, en dan vir Ansie en Ben om beide na 'n blik op die twee weergawes, tussen hulself te besluit watter weergawe beter is.
Ansie behoort nie net haar veranderinge oor dié van Ben te plaas nie. Ons aanvaar goeie bedoelings – maar foute word soms gemaak, en nuwelinge mag dalk nie die wysigingskonflikvenster verstaan nie. Ansie moet egter nie sommer die wysigingskonflikte ignoreer nie. Dit is glad nie aanvaarbaar vir Ansie om Ben se werk uit luiheid te oorskryf nie. Ons moedig bydraers aan om dubbel seker te maak van hul samesmeltings, deur gebruik te maak van die verskilskakel (diff) funksie.
Foute begaan
Soms kan foute in die samesmeltingproses gemaak word, omdat Ansie maar net 'n mens is, en dit kan veroorsaak dat sommige van Ben se veranderinge per ongeluk omgekeer word. Logiese wysigingskonflikte is nie altyd onmiddellik sigbaar nie. Soms het Ansie goeie rede om te glo dat Ben se verbeterings nie nuttig is nie. In hierdie geval behoort Ben en Ansie hul verskille vriendskaplik op te los.
As Ben klein verandering gemaak het wat Ansie per ongeluk vervang, moet Ben dit nie terugrol na sy weergawe nie. Dit is absoluut nie aanvaarbaar vir Ben om te verhoed dat Ansie groot verbeterings aanbring aan die bladsy uit 'n begeerte om sy klein verbeterings te beskerm, of om Ansie te straf vir haar nalatigheid nie. Dit is veral belangrik indien die bladsy daarna deur ander bydraers geredigeer is.
Die beste benadering vir Ben onder hierdie omstandighede is om nie Ansie se weergawe te wysig nie, sy klein verbeterings te herstel, en Ansie se groot verbeterings ongeskonde te laat. Hy kan ook iets byvoeg by die wysigingsopsomming om aan te dui wat hy gedoen het, byvoorbeeld: "Herstel die skakel wat Ansie per ongeluk verwyder het". Ansie moet Ben dan om verskoning vra vir die fout wat sy gemaak het, en hom bedank vir die behoud van haar verbeterings.
Indien Ansie sou aanhou om haar fout te herhaal, is die beste benadering vir Ben om dan 'n vriendelike woord op haar geselsbladsy te plaas, en haar te versoek om 'n bietjie meer sorg te dra in die toekoms. Dit is veral belangrik vir nuwelinge, wat dalk nie die regte metode ken om wysigingskonflikte op te los nie, maar selfs vir ervare gebruikers mag 'n vriendelike herinnering soms nodig wees.