Wikipediabespreking:Gebruik van beelde

Beeldgrootte

Hier volg sommer 'n paar notas/opmerkings om die begin van riglyne vir beeldgrootte te wees. --Alias 13:53, 2 Maart 2006 (UTC)

• Vir meeste artikels staan die teks sentraal en die uitleg moet eerstens ter wille van die vloei van die teks geoptimeer word.
• In artikels met grafika, kan beelde wat te groot is in die artikel, maak dat 'n artikel baie stadig laai.
• Solank as wat "thumb" gebruik word, sal 'n leser hopelik sien dat hulle daarop kan klik om by die volgrootte weergawe te kom.

In grafika wat teks bevat (kaarte, diagramme, ens.) speel die grootte/leesbaarheid van die teks ook 'n rol:

• In sommige gevalle (sien bv Afrika) is 'n kaart eenvoudig te groot en sal waarskynlik nooit op leesbare grootte kan veroon nie.
• Leesbaarheid word beïnvloed deur 'n paar faktore:
  • Die aantal beeldelemente (pixels) wat gebruik word vir die teks
  • Die skermresolusie van die leser (in elemente per duim) - teks op 'n kaart sal noodwendig kleiner vertoon op 'n hoëresolusieskerm
  • Die gebruik van antialiasering om gladde teks in die beeld te bewerkstellig
  • Hoe goed die leser se oë is. Mense met swakker oë kan teks vergroot, maar die teks in 'n kaart sal dieselfde grootte bly. Dit is moontlik onrealisties dat teks altyd leesbaar sal wees op enigiets behalwe die volgrootte weergawe.
• Aangesien party teks op kaarte in elkgeval baie klein is, sal dit waarskynlik nie maklik leesbaar wees in 'n verkleinde weergawe nie.
• Moontlik is 'n verkleinde kaart se enigste doel om buitelyne of groot formasies en grense aan te dui, met die hoëresolusieweergawe wat al die detail sigbaar maak.

Ander dinge om te oorweeg:

• Hoe lyk 'n drukstuk van die artikel?
• Is die grafika steeds op sinvolle plekke met variërende uitleg op verskillende skerms?