Maak hoofkeuseskerm oop

William J. "Willem" Dafoe (gebore op 22 Julie 1955) is ’n Amerikaanse akteur. Hy is lid van die eksperimentele teatergroep The Wooster Group, en is benoem vir beste manlike byspeler vir sy spel in Platoon (1986) en Shadow of the Vampire (2000).

Willem Dafoe
'n Beeld van die betrokke persoonlikheid.
Dafoe in 2017.

Geboortenaam William James Dafoe
Geboorte 22 Julie 1955 (1955-07-22) (63 jaar oud)
Nasionaliteit Amerikaans, Italiaans
Kinders 1
Beroep(e) Akteur
Aktiewe jare 1979–nou
Internet-rolprentdatabasis-profiel

LoopbaanWysig

Dafoe se loopbaan het in 1981 begin met ’n rol in Heaven's Gate,[1] wat egter in die finale redigering uitgesny is.[2] In 1985 was hy te sien in To Live and Die in L.A. en die volgende jaar was hy die leier van ’n motorfietsbende in The Loveless.

Hy het veral bekend geword vir sy rol as sersant Elias in Oliver Stone se Platoon (1986), waarvoor hy ’n Oscar-benoeming vir beste manlike byspeler gekry het.[3] In 1988 was hy agent Buck McGriff in Off Limits. Hy het sedertdien ’n gewilde karakterakteur geword, met rolle soos die Green Goblin in Spider-Man en Barillo in Once Upon a Time in Mexico.

In 1993 was hy in die erotiese drama Body of Evidence saam met Madonna. In 1999 het die rol van ’n eksentrieke FBI-agent vertolk in The Boondock Saints en in 2000 was hy in American Psycho en Shadow of the Vampire, waarvoor hy sy tweede Oscar-benoeming gekry het. in 2014 was hy Peter van Houten in die rolprentweergawe van The Fault in Our Stars.[4]

Sy ander prente sluit in The Last Temptation of Christ (1988) en The English Patient (1996).

VerwysingsWysig

  1. (6 Oktober 2011) “Spalding Gray's Tortured Soul”. Besoek op 6 November 2011.
  2. Marx, Rebecca Flint. "Willem Dafoe". All Movie Guide via The New York Times. 
  3. Morra, Louis (Spring 1987). “Willem Dafoe” (19).
  4. Twitter / JoshBooneMovies: One of my favorite actors. Twitter.com. Besoek op on 2014-01-14.