William Owen Lanyon
Britse administrateur
Sir William Owen Lanyon (1842-1887) was 'n Britse soldaat en koloniale administrateur. Hy is in 1842 in Ierland gebore. Hy sluit by die Britse Leër aan en tydens die eerste besetting van Transvaal word hy in 1879 as Administrateur aangestel. Hy was baie sieklik en sy onvriendelikheid het hom die vyandskap van die burgers op die hals gehaal, iets wat bygedra het tot uitbreek van die Eerste Vryheidsoorlog in 1880. Hy is oorlede in New York in 1887.
