Wittenbergplatz

Die Wittenbergplatz is 'n plein in die Berlynse stadsdeel Schöneberg wat deel uitmaak van die sogenaamde Generalszug, 'n reeks van strate en pleine wat Schöneberg met die stadsdeel Kreuzberg verbind. Die plein is in die tydperk tussen 1889 en 1892 aangelê en na die Slag naby Wittenberg vernoem wat Duitse magte op 13 Januarie 1813 tydens die Vryheidsoorloë teen Napoleon Bonaparte se troepe geveg het.

Wittenbergplatz in wes-oostelike rigting, 2003, met die moltreinstasie Wittenbergplatz

Die suidelike deel van die plein

Die markante kruisvormige ingangsgebou tot die moltreinstasie Wittenbergplatz is in die sentrum van die plein tussen die rylane van Tauentzienstraße, een van Berlyn se belangrikste winkelstrate wat oor die plein loop, geleë. Die bekende afdelingswinkel Kaufhaus des Westens (KaDeWe) - die grootste op die vasteland van Europa - is in die suidwestelike hoek van die plein geleë. Die plein het sy huidige gestalte in die 1990's gekry.

• 
  Wittenbergplatz, 1904
• 
  Lugfoto van die Wittenbergplatz, 1920

Eksterne skakels

• Ou poskaarte Geargiveer 25 Mei 2010 op Wayback Machine
• 360°-Panorama-beeld Geargiveer 15 Junie 2009 op Wayback Machine, 1998