Wolf-Rayetster

’n Wolf-Rayetster, meestal afgekort as WR-ster, is ’n swaar ster met ’n massa van meer as 20 sonmassas wat sy massa vinnig verloor weens ’n baie sterk sonwind. Die sonwind kan ’n snelheid van tot 2 000 km/s hê. Sulke sterre verloor jaarliks ’n hoeveelheid massa gelyk aan 10^-5 sonmassas. (Die Son verloor jaarliks ’n 10^-14-deel van sy massa.)

’n Infrarooifoto deur die Hubble-ruimteteleskoop van die W-ster WR124. Die wolk om die ster is die newel M1-67.

WR-sterre is baie warm; hul temperatuur kan wissel tussen 25 000 en 50 000 Kelvin. Vanweë die enorme temperature en massaverlies het die sterre ’n blou kleur. Hulle is redelik seldsaam; daar is maar ’n paar honderd bekend. Hulle is genoem na die sterrekundiges Charles Wolf en Georges Rayet wat dié soort ster in 1867 ontdek het.

Eienskappe

Wat baie besonders aan WR-sterre is, is hul spektrum. Die buitenste lae van die meeste sterre bestaan uit waterstof en helium, met net enkele spore van ander elemente. In WR-sterre, daarenteen, ontbreek waterstof heeltemal en is daar groot hoeveelhede stikstof en/of koolstof en suurstof. Daar word aangeneem dat WR-sterre in ’n vroeëre stadium hul buitenste lae volledig verloor het. Wat nou van buite gesien word, is die kern van die ster.

Die sterre staan aan die einde van hul lewensduur en sal ontplof as ’n supernova of hipernova. Dit het ook ’n groot kans om in te plof as ’n swartkolk.

Eksterne skakels

• Wikimedia Commons het meer media in die kategorie Wolf-Rayetsterre.
• Hierdie artikel is vertaal uit die Nederlandse Wikipedia